| 1. |
Ingevolge artikel 11(1) van die Suid-Afrikaanse Skolewet, 1996 (Wet 84 van 1996) moet 'n verteenwoordigende leerderraad (VLR) ingestel word by elke skool wat leerders in graad 8 en verder inskryf. |
| 2. |
Elke skool word versoek om seker te maak dat 'n VLR-verkiesing sal plaasvind. |
| 3. |
Die VRL is een van die belangrikste vennote om gesonde leer en onderrig in 'n skool te verseker. Onderwyserskakelbeamptes (OSB’s) moet dus seker maak dat hulle help om die vaardighede van lede van die VRL te ontwikkel deur leierskapopleidinginisiatiewe wat inskakel by jeugontwikkelingsprogramme. |
| 4. |
Om te verseker dat VRL’e so vroeg as moontlik in 2013 begin funksioneer, word aanbeveel dat verkiesings van VRL’e vir 2013 tussen 1 November 2012 en 31 Januarie 2013 sal plaasvind. |
| 5. |
Die skool se verkiesingspan |
| 5.1 |
'n Skoolverkiesingspan moet gevorm word om te verseker dat vroeë beplanning vir 'n suksesvolle VRL-verkiesing 'n aanvang neem. |
| 5.2 |
Skoolverkiesingspanne word aangemoedig om hulle eie strategieë te ontwikkel om leerders aan te moedig om deel te neem aan die verkiesings en om te verseker dat bekwame kandidate verkies word. Sulke werwingstrategieë moet insluitdie verspreiding van kriteria vir die verkkiesing van geskikte leerderlede. |
| 5.3 |
Prinsipale moet verseker dat, in ooreenstemming met die wet, twee VRL-lede gekies word om op die Skoolbeheerliggaam te dien vanaf 1 Maart 2013. |
| 6. |
Na die verkiesing van die nuwe VRL |
| 6.1 |
By die voltooiing van die verkiesing, word skole versoek om die Bylae A-vorm op die VRL-lêer te voltooi en voor te lê aan die VRL-koördineerder. By ontvangs van hierdie voltooide vorms, moet die Distriskkoördineerder van die VRL elke skool se lys van verkose VRL-lede na me Zoliswa Lonja te faks by Zoliswa.Lonja@westerncape.gov.za |
| 6.2 |
As deel van sy kapasiteitsbou, moet die nuutverkose VRL 'n induksieprogram volg, wat op 1 Februarie 2013 sal begin en gelei sal word deur die distrikskoördineerder: VRL. |
| 6.3 |
Prinsipale moet verseker dat 'n behoorlike oorhandigingsproses gevolg word in elke skool wat oor 'n VRL beskik. |
| 6.4 |
Prinsipale word aangemoedig om inwydingseremonies te reël. Dit kan byvoorbeeld gedoen word by, bv. 'n saalbyeenkoms of 'n spesiale geleentheid wat deur ouers bygewoon word. Skole word sterk aangeraai om deel te neem aan die distriksgeorganiseerde induksieaktiwiteite, aangesien dit sosiale interaksie onder leerders bevorder. |
| 6.5 |
OSB’s word ernstig versoek om VRL’e op te lei om programme te inisieer wat ooreenstem met die visie en missie van hulle skool. Dokumente soos die Handves van Verantwoordelikhede, die Values in Action Manual for SGBs and RCLs, en die Riglyne vir die Implementering van Portuurprogramme vir Leerders in SA skole, kan gebruik word om die doeltreffendheid van VRL’e te verbeter e. Afskrifte van die bogenoemde dokumente is aangeheg vir maklike verwysing. Daar word nie van 'n skool verwag om afskrifte te maak vir alle lede van die VRL nie. |
| 7. |
Indien skole enige navrae het oor VRL-verkkiesings, kan hulle die betrokke VRL- distrikskoördineerder hieronder kontak:
| |
Weskus: |
Mnr Freddie Claassen, tel. 021 860 1200 |
| Overberg: |
Me Yolanda Bailey, tel. 028 214 7372 |
| Eden & Sentrale Karoo:: |
Mnr Benjamin Jantjies, tel. 044 803 8361 |
| Metro-Oos: |
Me Phumla Bam, tel. 021 900 7000 |
| Metro-Suid: |
Me Kay Spiers, tel. 021 782 6102 |
| Metro-Noord: |
Me Florence Kotze, tel. 021 938 3004 |
| Metro-Sentraal: |
Dr Sandren Naidoo, tel. 021 514 6717 |
| Kaapse Wynland: |
Mnr Leon Rousseau, tel. 028 214 7372 |
|
| 8. |
Bring asseblief die inhoud van hierdie minuut onder die aandag van alle belanghebbendes. |
GETEKEN: J H LYNERS
ADJUNK-DIREKTEUR-GENERAAL: INRIGTINGSONTWIKKELING EN -KOÖRDINERING
DATUM: 2012:10:03
|
 |