1. 'n Aantal beurse van die Vic Bridges Stigting Trustfonds is beskikbaar vir leerders in graad 12 wat van plan is om hulle studies by 'n universiteit of kollege voort te sit in 2013.
2. Die trustees sal aansoeke oorweeg en beurse op meriete toeken, met die behoeftes in ag geneem. Die betaling van 'n beurs is onderworpe aan die voorlegging van gewaarmerkte bewys van (a) die kandidaat se registrasie as voltydse student in die betrokke jaar, en (b) sy of haar eksamenuitslae van die vorige jaar.
3. Indien 'n beurshouer sy of haar studies staak, moet die trustees skriftelik daarvan verwittig word. Die trustees sal dan geregtig wees om na goeddunke die bedrae wat uitbetaal is van die beurshouer te verhaal.
4. Indien die vordering of gedrag van 'n beurshouer onbevredigend is volgens die oordeel van die trustees, behou die trustees hulle die reg voor om die beurs te kanselleer.
5. Aansoeke op die aangehegte vorm moet hierdie kantoor nie later as Vrydag, 7 Desember 2012 bereik nie. Verdere navrae aangaande die inhoud van hierdie minuut kan gerig word aan mnr I Morkel by telefoonno. 021 467 2768.
6. Bring asseblief die inhoud van hierdie minuut onder die aandag van alle belanghebbendes.


GETEKEN: JH LYNERS
ADJUNK-DIREKTEUR-GENERAAL: INRIGTINGSONTWIKKELING EN -KOÖRDINERING
DATUM: 2012:10:04

Aansoek om studiebeurs: VIC Bridges Stigting Trustfonds  (grootte: 32 KB)