| 1. | Inleiding Verkiesings van nuwe lede vir die beheerliggame van openbare OOV-sentrums is gedurende Augustus en September 2012 gehou. Nuwe sentrumbeheeliggame (SBL’e) is gekonstitueer in ooreenstemming met die Buitengewone Provinsiale Koerant no. 6984 van 24 Mei 2012. |
| 2. | Opleiding vir nuwe SBL-lede Alle lede van nuut-gekonstitueerde SBL’e sal opleiding vir hulle rolle en verantwoordelikhede ontvang. Hierdie opleiding sal aangebied word deur die OOVSubdirektoraat in Oktober 2012. Opleidingsdatums en lokale vir onderwysdistrikte word in Bylae P verskaf. |
| 3. | Oorhandigingsproses Sentrumbestuurders word daaraan herinner dat hulle moet seker maak dat die uitgaande SBL alle SBL-lêers en ander relevante dokumente aan die nuwe SBL oorhandig het, volgens die opdrag in IBBB-minuut 0013/2012. |
| 4. | Bedanking aan uitgaande lede Die OOV-subdirektoraat wil graag sy opregte dankbaarheid uitspreek teenoor alle uitgaande beheerliggaamlede vir die uiters waardevolle dienste wat hulle aan die sentrums gelewer het tydens hulle ampstermyn. |
| 5. | Bring asseblief die inhoud van hierdie minuut onder die aandag van alle betrokkenes. |
GETEKEN: JH LYNERS
ADJUNK-DIREKTEUR-GENERAAL: INRIGTINGSONTWIKKELING EN -KOÖRDINERING
DATUM: 2012:10:02
