| 1. | Inleiding Die Lid van die Uitvoerende Raad (LUR) het, ingevolge artikel 9 en 19(2) van die Wet op Basiese Onderwys en Opleiding vir Volwassenes, 2000, (Wet no 52 van 2000) kwessies bepaal betreffende die verkiesing van lede tot 'n beheerliggaam van 'n openbare OOVsentrum en die riglyne vir die stigting, verkiesing, en funksies van 'n verteenwoordigende raad van leerders (sien Buitengewone Provinsiale Koerant No. 6984 van 24 Mei 2012) neergelê. Daarbenewens is provinsiale riglyne, in ooreenstemming met die Provinsiale Koerant, ontwikkel en vervolgens versprei om beheerliggaamverkiesings te vergemaklik (sien IBBB Minuut 0012/2012). |
| 2. | Einde van ampstermyn Die ampstermyne van alle openbare OOV Sentrumbeheerliggame (SBL’e), met inbegrip van onlangs verkose beheerliggame, sal in hierdie huidige jaar, 2012, verstryk. Nuwe SBL’e sal in alle openbare sentrums verkies moet word. Verkiesings van nuwe SBL’e begin op Woensdag, 1 Augustus 2012 en moet afgehandel wees teen 31 Augustus 2012. |
| 3. | Opleiding vir Kiesbeamptes Opleiding vir alle kiesbeamptes (d.i. IBB-hoofde, OOV IBB-bestuurders en Sentrumbestuurders) sal op 28 en 29 Junie 2012 by die KOLI plaasvind. Verdere besonderhede oor die opleidingsprogram sal binnekort verskaf word. |
| 4. | Oorhandigingsproses Na die samestelling van die nuwe SBL, moet die uitgaande SBL amptelik alle SBL-lêers en ander relevante dokumentasie aan die nuwe SBL oorhandig. Die sentrumbestuurder, as lid van beide die uitgaande en die nuwe SBL, moet verseker dat die korrekte oorhandigingsproses gevolg word. Die tersaaklike dokumente vir oorhandiging en sertifisering (sien Bylae A) moet voltooi en onderteken word deur die betrokke persone. |
| 5. | Samestelling van 'n beheerliggaam Ingevolge artikel 8(7) van die Wet op BOOV, 2000, funksioneer 'n beheerliggaam van 'n openbare sentrum ingevolge 'n grondwet wat moet voldoen aan die minimum vereistes soos bepaal deur die LUR (sien Provinsiale koerant 6984 van 24 Mei 2012). Nuutverkose SBL’e word daaraan herinner om óf die bestaande grondwet te bekragtig, óf, indien nodig, om dit te wysig. Indien wysigings aangebring word aan die grondwet, moet 'n kopie van die hersiene grondwet voorgelê word aan die betrokke ditrikskantoor, vir rekorddoeleindes, binne 90 dae na die eerste vergadering van die nuwe SBL. |
| 6. | Bring asseblief die inhoud van hierdie minuut onder die aandag van alle betrokkenes. |
GETEKEN: J H LYNERS
ADJUNK-DIREKTEUR-GENERAAL: INRIGTINGSONTWIKKELING EN –KOÖRDINERING
DATUM: 2012:06:21
