| 1. |
INgcaciso eMfutshane yeCandelo loLawulo lwaBasebenzi 0013/2011 ye-12 Disemba 2011 yacacisa ukuba izicelo zemvume yokwenza umsebenzi ohlawulelwayo ongaphandle kwenkonzo karhulumente ngo-2012 bekufuneka zingeniswe kwakhona kwiSebe leMfundo leNtshona Koloni ungadlulanga owe-20 Januwari 2012. |
| 2. |
ISebe lazisiwe ukuba iisayikholojisti neetherapisti ezithile eziqeshwe liSebe iWCED, zazingenisa izicelo ezilolu hlobo emva kokuphela kuka-2011, kodwa zange ziyinikwe imvume ezaziyicela. |
| 3. |
ISebe iWCED licela ukuba zonke ezi sayikholojisti neetherapisti zizingenise izicelo zazo kwakhona ungadlulanga owe-11 Meyi 2012. |
| 4. |
Abaqeshwa mabalandele iimfuno ezingummiselo xa bengenisa izicelo ezicela imvume yokwenza umsebenzi ohlawulelwayo ongaphandle kwenkonzo karhulumente. |
| 5. |
Iifom zezicelo ziyafumaneka kwiziko lewebhu leWCED. Akukho fom zezicelo ezizezinye ziya kwamkelwa. |
| 6. |
Kucelwa wazise okukule ngcaciso imfutshane bonke abasebenzi abachaphazelekayo abaphantsi kweliso lakho. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2012:05:03
|
 |