| 1. |
Ukuzaliswa kweemakhishithi |
| 1.2 |
Kucelwa uqaphele ukuba unikwa ikopi enye kuphela yemakhishithi nganye ukuba izaliswe. Kubaluleke gqitha ke ngoko ukuba izikolo mazenze iikopi zemakhishithi ezimodareyithiweyo zizigcine ukulungiselela iinjongo zeerekhodi. |
| 1.3 |
Kucelwa uqinisekise ukuba iishedyuli zokumodareyitha zizalisiwe yaye ziya kufumaneka xa zifunwa ngabacebisi ngezekharityhulam (curriculum advisors (CAs) ngosuku lokumodareyitha. Ootitshala bezifundo mabazalise kuphela amanqaku angekamodareyithwa kwikholam ebhalwe "Mark". |
| 1.4 |
Kuphela kusemva kokumodareyithwa kokugqibela kwesifundo ngasinye, apho kuya kukhutshelwa amanqaku amodareyithiweyo kwikholam ebhalwe "Mod" yeemakhishithi ze-SBA ngumcebisi ngezekharityhulam. |
| 1.5 |
Ukuba isikolo sakho sifumana iimakhishithi ze-SBA ezisekhompyutheni (computerised SBA mark sheets) kuphela emva kokumodareyithwa kwazo, makwenziwe amalungiselelo afunekayo okuzaliswa kweemakhishithi nomcebisi ngezekharityhulam. |
| 2. |
Ukwabiwa kwamanqaku e-SBA
Makwabelwe amanqaku umviwa ngamnye onombolo yakhe yoviwo ivelayo kwimakhishithi.
Oku makwenziwe nakubaviwa:
- ababegxothiwe okanye abebenqunyanyiswe okwethutyana esikolweni;
- abafake izicelo zokutshintsha iziko lokubhalela uviwo;
- ababengekho esikolweni ithuba elide apha enyakeni;
- ababengekho ngosuku lokumodareyitha; okanye;
- ababebhalise isifundo kwesinye isikolo okanye kwelinye iziko umz., iziko lobugcisa (art centre); yaye
- ababhaliswe njengabaphindayo/bethutyana ababhalwe ekugqibeleni kwiimakhishithi.
|
| 3. |
Amanqaku angafakwanga (abaviwa ababengekho nabo bangenawo amanqaku e-SBA) |
| 3.1 |
Makufundwe iNgcaciso eMfutshane yeCandelo loVavanyo 0014/2009 yomhla we-24 Julayi 2009, ukufumana ingcaciso ngabaviwa abangazanelisiyo ncam iimfuno ze-SBA. |
| 3.2 |
Apho kunikwe isizathu esibambekayo, umviwa makalinikwe elinye ithuba lokuwenza awugqibe umsebenzi we-SBA. Ukuba umviwa akakwazi ukubakho ukwenzela ukuba enze icandelo elithile le-SBA nesizathu soko samkelekile, amanqaku e-SBA omviwa aya kuthi ke ngoko abalwe, kususelwa kumacandelo enziweyo. Kubalwa awona manqaku aphezulu, lingafakwa icandelo elo umviwa afumene ukuxolelwa ekwenzeni umsebenzi walo.
Umzekelo 1: Isizathu esibambekayo
| |
ICandelo 1 |
ICandelo 2 |
ICandelo 3 |
ICandelo 4 |
ICandelo 5 |
Ewonke |
| Amanqaku aphezulu |
25 |
10 |
20 |
30 |
15 |
100 |
| Amanqaku omfundi |
12 |
Axolelweyo kuwo |
8 |
23 |
Axolelweyo kuwo |
43 |
| Awona manqaku aphezulu omfundi |
25 |
|
20 |
30 |
|
75 |
| Amanqaku e-SBA |
= (12 + 8 + 23)/75
= 43/75 |
Le pesenti yokuphela konyaka mayitshintshelwe kumanqaku apho itotali yamanqaku ewonke ingu-100 ngolu hlobo lulandelayo:
| Amanqaku e-SBA |
= 43/75 x 100
= 57 |
La manqaku (57/100) aya kurekhodwa kwishedyuli ye-SBA.
|
| 3.3 |
Apho kunganikwanga sizathu sibambekayo, umviwa akanikwa manqaku ngelo candelo le-SBA.
Umzekelo 2: Akukho sizathu sibambekayo
| |
ICandelo 1 |
ICandelo 2 |
ICandelo 3 |
ICandelo 4 |
ICandelo 5 |
Ewonke |
| Amanqaku aphezulu |
25 |
10 |
20 |
30 |
15 |
100 |
| Amanqaku omfundi |
12 |
Abangaxole-lwanga ngokungenzi umsebenzi |
8 |
23 |
Abangaxole-lwanga ngokungenzi umseben |
43 |
| Amanqaku e-SBA |
= (12 + 0 + 8 + 23 + 0)/100
= 43/100 |
La manqaku (43/100) aya kurekhodwa kwishedyuli ye-SBA.
|
| 3.4 |
Kufuneka kugxininiswe ezi nkqubo zilandelayo zokuzaliswa kweemakhishithi (IsiHlomelo A): |
| 3.4.1 |
Kwimeko apho umviwa angakhange awenze amacandelo e-SBA kwaphela, kodwa kube kunikwe isizathu esivakalayo soku, faka “999” kwimakhishithi. Makunikwe ubungqina besizathu (bezizathu) esibambekayo kumcebisi ngezekharityhulam ngethuba leseshoni yokumodareyitha size sithunyelwe kwiCandelo loLawulo lweeMviwo.
Okuthethwa ngu-'999':
- Umviwa uya kufumana iziphumo ezingaphelelanga (incomplete result) nkqu nokuba amanye amaphepha oviwo ayebhaliwe.
- Abaviwa abano-'999' baya kunikwa iinyanga ezi-3 zekhalenda emva kokukhutshwa kweziphumo ukuba bangenise amanqaku e-SBA. Ukungaphumeleli ukwenza oku kuya kubangela ukuba umviwa asiphinde isifundo siphela.
|
| 3.4.2 |
Apho umviwa angakhange awenze amacandelo e-SBA yaye kungekho sizathu sivakalayo sinikiweyo, faka u-“444” kwimakhishithi. Umviwa ololu hlobo uya kufumana iziphumo ezingaphelelanga (incomplete result) yaye kufuneka asiphinde isifundo siphela.
3.4.3
3.4.4 |
| 3.4.3 |
Apho ukutshintsha isifundo okuvunyiweyo kungaboniswanga kwimakhishithi, faka u-"888" kwikholam yamanqaku ("Mark" column). Zalisa isiHlomelo B ngokumalunga necandelo le-SBA ngalinye lesifundo esitsha. |
| 3.4.4 |
Ngenxa yoku kungasentla, amanqaku aphakathi kuka-"000" no-"005" akasayi kwamkeleka. |
| 4. |
Abafundi abanezithintelo zokuthetha kunye/okanye zokuva
Abaviwa abanezithintelo zokuthetha kunye/okanye zokuva (candidates with speech and/or hearing barriers) kufuneka, endaweni yamanqaku e-orali, bafumane amanqaku ngokomlinganiselo (pro rata) osusela kumanqaku abawafumeneyo kumsebenzi wabo obhalwayo weemviwo zikaJuni nezikaSeptemba zango-2012.
|
| 5. |
Umsebenzi oluxanduva lweenqununu ngokumalunga nokuzaliswa kweemakhishithi
Iinqununu maziqinisekise ukuba bonke abaviwa ababhala uviwo lweSatifikethi seMatriki kuZwelonke kwizikolo zabo bawanikiwe amanqaku eSBA afunekayo.
|
| 6. |
Umhla wokubuyiswa kweemakhishithi
Abaququzeleli bovavanyo mabaqinisekise ukuba iimakhishithi ezizaliswe ngokupheleleyo zifika kwiCandelo loLawulo lweeMviwo ungadlulanga owe-5 Novemba 2012.
|
| 7. |
Amanqaku e-SBA angafakwanga (SBA marks outstanding)
Kucelwa iinqununu ukuba zingathumeli abaviwa abangenawo amanqaku e-SBA ngqo kwiSebe leMfundo emva kokuba zikhutshiwe iziphumo. Inkqubo echanekileyo yokuqhagamshelana neSebe leMfundo ngokumalunga namanqaku e-SBA angafakwanga (SBA marks outstanding) kukuqala kumcebisi ngezekharityhulam kwi-ofisi yesithili semfundo echaphazelekayo.
|
ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2012:09:18
|
 |