| 1. |
Kucetywa ukwenza iVeki yoKwazisa ngaMakhondo omSebenzi (Career Awareness Week) nge-8 – 12 Oktobha ukomeleza ulwazi lwabafundi lokwenza izigqibo ezizizo benolwazi malunga namakhondo omsebenzi abo exesha elizayo. Eli lithuba lootitshala besifundo soLwazi ngezoBomi lokugqibezela icandelo le-"World of Work" lesilabhasi yabo. |
| 2. |
Iqela elithagethiweyo ngabafundi beSigaba esiPhakamileyo. |
| 3. |
Injongo yale Veki yoKwazisa ngaMakhondo omSebenzi kukwenza abafundi abakumaBakala 7 - 9 bazi ngokubaluleka kokukhetha izifundo ezichanekileyo zeBakala 10. Ngale veki kukhuthazwa izikolo ukuba zigxininise kwimisebenzi eya kukhokela abafundi ukuba benze izigqibo ezizizo benolwazi malunga nokukhetha amakhondo omsebenzi abo exesha elizayo. |
| 4. |
Bayakhuthazwa ootitshala besifundo soLwazi ngezoBomi ukuba bacwangcise imisebenzi yale veki egxininisa kwilizwe lempangelo (world of work). |
| 5. |
IBakala 7
Abafundi beBakala 7 bangenza iprojekthi ethatha iveki eya kufikelela kuvutho-ndaba ngokwenziwa komsebenzi wesinxibo esingqinelana nekhondo lomsebenzi lowo (career dress-up activity). Oku kuthetha ukuba koku kuzibandakanya kwabo kumakhondo omsebenzi exesha elizayo abo, abafundi baya kuza esikolweni benxibele ukumela amakhondo omsebenzi ekamva labo. Oku kufuneka kwenzeke ngeephiriyodi zesifundo soLwazi ngezoBomi.
|
| 6. |
IBakala 8
Abafundi beBakala 8 kufuneka bagxininise kumsebenzi wamakhondo oya kwenza bakwazi ukuqaphela izinto abaneziphiwo zokwazi ukuzenza (strengths), iitalente zabo, izinto abangakwaziyo ukuzenza (limitations) nolwazi lwabo kwizifundo ezithile. Jonga iSihlomelo A ukufumana iimbono ezithile.
|
| 7. |
IBakala 9
ISebe leMfundo leNtshona Koloni lizimisele ukukhetha izikolo ezingama-98 ezinabafundi beBakala 9, ukuze ligxininise ekuqwalaseleni ukulungela kwabo ukukhetha izifundo zeBakala 10. Oku kuzakwenziwa ngokusetyenziswa kwesixhobo esinemibuzo yokuba baphonononge ukuthatha izigqibo ezizizo ngamakhondo emisebenzi abanokuwalandela kwixesha elizayo. Esi sixhobo siyakubanceda bona nootitshala kwakunye nabazali babo, ukuba babenolwazi ngeziphiwo neetalente abanazo ezijolise kumakhondo athile okufunda nasekukhetheni izifundo ezichanekileyo. Ezi zikolo zizakwaziswa ngeli linge. Abafundi beBakala 9 abakwizikolo ebezingakhethwanga, kufuneka belandele inkqubo efana naleyo ibiyenzelwe iBakala 8. Ukusukela kunyaka ka2013, bonke abafundi beBakala 9 bazakugcwalisa esi sixhobo samakhondo emisebenzi.
|
| 8. |
Ukuba ufuna ingcaciso engaphezulu ngokumalunga noku, kucelwa uqhagamshelane noMnu J. Sitzer, onguMcwangcisi oMkhulu wesifundo soLwazi ngezoBomi kwiGET, kule dilesi ye-imeyili Joey.Sitzer@westerncape.gov.za okanye kule nombolo yefoni 021 467 2199.
|
| 9. |
Kucelwa wazise okukule ngcaciso imfutshane bonke ootitshala nabasebenzi abachaphazelekayo. |
ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2012:09:11
|
 |