| 1. |
Le ngcaciso imfutshane isaqhubeka nokwakwaziswe kwiSetyhula 0015/2012 eyabhengeza umhla wokubhalwa kwemisebenzi yovavanyo ekumgangatho ofanayo yesifundo soLwazi ngezoBomi njengomhla we-7 Septemba 2012. Isetyhula leyo yacacisa ukuba izikolo ezinqwenela ukubhala uvavanyo nge-7 Septemba 2012 zinokuyisebenzisa le misebenzi ziyibandakanye njengenxalenye yovavanyo lwazo oluqhubekela esikolweni. |
| 2. |
Injongo yale ngcaciso imfutshane kukwazisa izikolo eziya kuba zibhala i-CAT malunga nenkqubo eza kulandelwa xa kubhalwa i-CAT kwisifundo soLwazi ngezoBomi. |
| 3. |
Umhla wokubhalwa kwe-CAT uza kuhlala uyi-7 Septemba 2012, ukuqala ngo-09.00 kuye kutsho ngo-10.30 yaye kufuneka izikolo zibhale i-CAT kwisifundo soLwazi ngezoBomi kwaye ziyimakishe njengoko kumiselwe kule ngcaciso imfutshane. |
| 4. |
Uvavanyo lwe-Life Orientation CAT luya kuba liphepha leyure enye enesiqingatha (1½ hour paper) nelinamanqaku angu-75 ewonke. Lungathatha indawo yoMsebenzi 4 (Task 4) weprogran yovavanyo lwesifundo soLwazi ngezoBomi kwiBakala 12 owawucwangciselwe ukuba ubhalwe kwiKota yesi-3, yaye luya kwenza i-20% yamanqaku ewonke esifundo soLwazi ngezoBomi. |
| 5. |
Iphepha lemibuzo elingumzekelo kunye nesikhokelo sovavanyo esicacisa umhlaba oza kufikelelwa nobandakanywe kwi-CAT, sele zathunyelwe kuzo zonke izikolo ngoMeyi 2012. |
| 6. |
ISebe leMfundo leNtshona Koloni (WCED) liya kukulawula ukuprintwa nokusiwa kwe-CAT kuzo zonke izikolo. |
| 7. |
Ukubhalwa kwemisebenzi yovavanyo ekumgangatho ofanayo |
| 7.1 |
Inqununu, njengomgadi wabaviwa oyintloko, mayithwale uxanduva olupheleleyo kwaye iqinisekise ukuba imithetho yeemviwo zeSatifikethi seMatriki sikaZwelonke ilandelwa ngokuthe ngqo. |
| 7.2 |
Iinqununu mazivule iimvulophu zamaphepha emibuzo kukho abafundi kwaye zibeke esweni ukuhanjiswa kwamaphepha emibuzo. |
| 7.3 |
Iinqununu maziqinisekise ukuba abagadi babaviwa bathe qwa bagadile ngethuba lokubhalwa kwe-CAT. |
| 7.4 |
Emva kokubhalwa kwe-CAT, iincwadi zeempendulo mazifakwe ezingxoweni ezibonelelweyo zitywinwe zize zibuyiselwe kwinqununu yesikolo ukuba izigcine ngokunqatyisiweyo. |
| 8. |
Iingxoxo ngezikhokelo zokumakisha
|
| 8.1 |
Iingxoxo eziza kwenziwa kuzwelonke nakumaphondo malunga nezikhokelo zokumakisha ziya kuqala nge-9 kuye kutsho kwi-12 Septemba 2012. |
| 8.2 |
Izikhokelo zokumakisha zokugqibela (final) ziya kuthunyelwa ezikolweni ungadlulanga owe-14 Septemba 2012. |
| 9. |
Ukumakishwa kwemisebenzi yovavanyo ekumgangatho ofanayo |
| 9.1 |
Ukumakishwa kwe-CAT kuya kwenzelwa ezikolweni phantsi kweliso lenqununu yesikolo, apho utitshala oneqhuzu (senior teacher) okanye intloko yecandelo lezifundo (head of department) iya kuba yimodareyithwa yangaphakathi. |
| 9.2 |
Ukumakisha makuqalise nge-14 Septemba 2012 kuze kugqitywe nge-21 Septemba 2012. |
| 9.3 |
Iincwadi zeempendulo mazikhutshwe kwigumbi elinqatyisiweyo yinqununu yesikolo kuphela ngosuku lokuqala kokumakisha |
| 9.4 |
Apho kukho ngaphezu kotitshala omnye wesifundo soLwazi ngezoBomi esikolweni, kucelwa uqinisekise ukuba ootitshala abamakishi iincwadi zeempendulo zabafundi babo. |
| 10. |
Ukumodareyithwa kweencwadi zeempendulo sisikolo nasisithili |
| 10.1 |
I-CAT mayimodareyithwe kwinqanaba lesikolo.
|
| 10.2 |
Inqununu mayiqinisekise ukuba ubuncinane i-10% yeencwadi zeempendulo ezimakishiweyo zimodareyithwa ngutitshala oneqhuzu (senior teacher) okanye yintloko yecandelo lezifundo (HOD). |
| 10.3 |
Emva kokuba iincwadi zeempendulo zimodareyithiwe, amanqaku makarekhodwe kwimakhishithi (mark sheet) enikwe isikolo. |
| 10.4 |
Umcebisi wesifundo soLwazi ngezoBomi kwisithili semfundo angamodareyitha isampula yeencwadi zeempendulo kwizikolo ezikhethiweyo. Kucetyiswa ukuba kumodareyithwe isampula eyi-10% yeencwadi zeempendulo ngeklasi nganye. |
| 11. |
Ukufakwa ekhompyutheni kwamanqaku emisebenzi yovavanyo ekumgangatho ofanayo |
| 11.1 |
Izikolo ziya kunikwa imakhishithi eyodwa yokufaka amanqaku e-CAT. |
| 11.2 |
Ezi makhishithi mazithunyelwe kwiSebe iWCED kunye namanye amanqaku e-SBA. |
| 12. |
Ziyacelwa iinqununu ukuba zenze amalungiselelo ayimfuneko okubhalwa kolu vavanyo. |
| 13. |
Izikolo ezinqwenela ukubhala i-CAT kwisifundo soLwazi ngezoBomi mazincede zizalise iphetshana lempendulo (reply slip) eliqhotyoshelwe apha zize zilithumele ngefeksi kuMnu A Jantjies apha 021 467 9370 ungadlulanga umhla we-20 Agasti 2012. |
| 14. |
Kucelwa wazise le ngcaciso kubo bonke ootitshala nabafundi besifundo soLwazi ngezoBomi ukuze bayithathele ingqalelo. |
ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2012:08:10
|
 |