| 1.1 |
Zazazisiwe izikolo kwiNgcaciso eMfutshane 0001/2012 malunga nee-Annual National Assessments (ANA) eziya kubhalwa ngo-2012 ngabafundi bamaBakala 1 – 6 no-9 kwizikolo zikarhulumente eziqhelekileyo, kwizikolo ezizimeleyo ezinikwa inkxaso-mali ngurhulumente nakwezinye izikolo zemfundo eneemfuno ezizodwa. |
| 1.2 |
Injongo yale ngcaciso imfutshane kukunika isikhokelo solawulo, sokubhalwa nokumakishwa kwee-ANA. |
| 2. |
Iinkqubo zaphambi kokubhala ii-Annual National Assessments |
| 2.1.1 |
Zaziceliwe izikolo ukuba ziqinisekise ukuba bonke abafundi babhaliswe ngokuchanekileyo kwi-Centralised Education Management Information System (CEMIS). Olu bhaliso lolokuqinisekisa ukuba abafundi baya kubhala iimvavanyo zabo kulwimi lokufunda nokufundisa (LOLT) oluchanekileyo, kwisifundo esichanekileyo nakwibakala elichanekileyo. |
| 2.1.2 |
Nakuphi na ukungangqinelani okufunyenweyo kubhaliso lwabafundi kwi-CEMIS makuxelwe kumququzeleli wovavanyo wesithili semfundo wesikolo phambi kowe-7 Septemba 2012. |
| 2.1.3 |
Amaphepha emibuzo aya kupakishwa aze asiwe ngokwedatha yobhaliso lwabafundi kwiCEMIS (CEMIS learner registration data.) Izikolo ziya kuthwala uxanduva lwako nakuphi na ukushota kwawo ngosuku lokubhala. |
| 2.2 |
Ukwamkelwa, ukutshekishwa nokugcinwa kwezinto zovavanyo ze-ANA |
| 2.2.1 |
Iimvavanyo ze-ANA ziya kusiwa ezikolweni ngomhla we-13 Septemba 2012. |
| 2.2.2 |
INqununu neSekela-nqununu mabangqinisise okuqulethweyo (contents) ukuqinisekisa ukuba isikolo sifumene inani elichanekileyo leemvavanyo kwiLoLT echanekileyo. Kuphela ziingxowa zangaphandle ezinokutshekishwa, iingxowa eziqulethe iimvavanyo zee-ANA Mazingavulwa. |
| 2.2.3 |
Iimvavanyo ziya kusiwa ezikolweni ngokwebakala nebakala ngalinye yaye iibhokisi zebakala ngalinye ziya kuqatshelwa ngestikha esinombala othile (colour coded sticker). Amabakala aya kuboniswa ngolu hlobo lulandelayo:
| IBakala 1 |
Omthubi |
| IBakala 2O |
pinki |
| IBakala 3 |
Oblowu |
| IBakala 4 |
Obomvu |
| IBakala 5 |
Omfusa |
| IBakala 6 |
O-orenji |
| IBakala 9 |
Oluhlaza yaka |
|
| 2.2.4 |
Umthwalo weemvavanyo ze-ANA uya kuba nezi zinto, iibhokisi zeemvavanyo ze-ANA, iziliphu zokuphendula ze-ANA, i-password protected CD ekuya kufunyanwa kuyo iimemo zawo onke amabakala, neemakhishithi zeeklasi ezibhala ii-ANA. |
| 2.2.5 |
Isiliphu sokuphendula, esibhalwe Annual National Assessments Test Packing List, esikwibhokisi masitshekishwe sithelekiswa nokukwibhokisi (nokukwiibhokisi), sisayinwe size sithunyelwe ngefeksi apha 021 461 5628, ukuba siqwalaselwe nguNks Bronwyn Calvert. Ukushota kwamaphepha makuxelwe kuNks Bronwyn Calvert ngoko nangoko kule nombolo yefoni okanye kuthunyelwe i-imeyili apha Bronwyn.Calvert@pgwc.gov.za |
| 2.2.6 |
Iimvavanyo mazigcinwe kwindawo enqatyisiweyo ekunokufikelela kuyo inqununu kuphela. Iimvavanyo mazigcinwe yaye zipakishwe ngokulandelelana kwemihla yokubhalwa kwazo, ukuqinisekisa ukuba uvavanyo lubhalwa ngomhla ochanekileyo. Inqununu/uMgadi waBaviwa oyiNtloko, mayiqinisekise ukuba zonke iipasela zeemvavanyo (test packages) zigcinwa ngokuchanekileyo yaye zihlala zitywiniwe de zivulwe phambi kwabafundi ngosuku lokubhala uvavanyo. Njengenyathelo lokhuseleko, iingxowa zeplastiki ezineemvavanyo mazivulwe ukutshekisha inani leemvavanyo, endaweni yoko makutshekishwe okungaphakathi ngokungqininisa inani leemvavanyo eliprintwe kwistikha. |
| 2.2.7 |
Iipassword zememo ziya kufumaneka yonke imihla kumququzeleli wovavanyo yaye ziya kufakwa kwiziko lewebhu leCandelo loLawulo loVavanyo lweGET. Kunokufikelelwa kuzo ngokuklikha kule linki ilandelayo: http://wced.school.za/home/home.html Emva koko
- uklikhe ku-"Teaching/Curriculum Support"
- uklikhe ku-"Assessment Management",
- uklikhe ku-"GET Assessment" naku
- "Annual National Assessments and Annual National Assessments 2012"
|
| 2.2.8 |
Iimakhishithi ziya kusetyenziselwa ukurekhoda amanqaku abafundi kwakunye nokuncedisa kwinkqubo yokukhethwa kweesampula ngokungacwangciswanga (random sampling process) ukulungiselela ukumakishwa kwakhona kweencwadi zeempendulo eziziisampula. |
| 2.3.1 |
INqununu iya kubenza njengoMgadi waBaviwa oyiNtloko esikolweni sayo. |
| 2.3.2 |
UMgadi waBaviwa oyiNtloko makaqinisekise ukuba kwenziwa ithayimthebhile yokugada abaviwa ukwenzela ukuba ootitshala bangazigadi iiklasi zabo okanye izifundo zabo abazifundisayo. |
| 2.3.3 |
Ootitshala bamaBakala 1 no-2 mabatshintshaniswe ukugada abaviwa (cross-invigilate) njengoko kula mabakala, kufuneka kufundelwe abafundi imibuzo. |
| 2.3.4 |
Ootitshala abagada abaviwa ababhala ii-ANA mabanikwe esi siHlomelo siqhotyoshelweyo IsiHlomelo A: ISikhokelo sikaTitshala soVavanyo loNyaka lukaZwelonke , ukuqinisekisa ukuba utitshala ngamnye uyazi kanye ngqo ukuba ayigade njani na iklasi ayinikiweyo. |
| 2.3.5 |
Abagadi babaviwa mabaziswe kwangaphambili ngethuba elithathwa luvavanyo ngalunye. UMgadi waBaviwa oyiNtloko makaqinisekise ukuba kulandelwa kanye ngqo amaxesha ovavanyo amisiweyo. |
| 2.4 |
Amalungiselelo endawo yokubhalela uvavanyo |
| 2.4.1 |
Iindawo ezikhethelwe ukubhala ii-ANA mazilungiswe ubuncinane ngosuku olunye phambi kokuqala kwee-ANA. |
| 2.4.2 |
Iindonga ekuxhonywe kuzo izinto ezinokunceda abafundi mazigqunywe okanye zisuswe ezo zinto. |
| 2.4.3 |
Indlela yokuhlala kwindawo yokubhalela mayilungiswe ngohlobo lokuba kuqinisekiswe ukuba umfundi akanako ukubona umsebenzi womnye umfundi. |
| 3. |
Iinkqubo ngosuku lokubhala ii-ANA |
| 3.1 |
Ii-ANA ziya kubhalwa ukususela nge-18 ukuya kwi-21 Septemba 2012. |
| 3.2 |
Ziyakhunjuzwa iinqununu ukuba ezi ntsuku ziintsuku zesikolo eziqhelekileyo yaye ukufundisa nokufunda makuqale kwangoko emva kokugqitywa kweemvavanyo. |
| 3.3 |
Abagadi babaviwa mabaqinisekise ukuba babanika abafundi iimvavanyo ezichanekileyo. |
| 3.4 |
Abagadi babaviwa mabanikwe ingcaciso yolawulo efanekileyo efunwa kwiphepha elingaphandle (cover page), umzekelo, inombolo yesikolo i-9-digit EMIS number negama lesithili semfundo.
|
| 3.5 |
Abafundi mabanikwe ixesha elaneleyo lokufunda imisebenzi yokubaqhelanisa (practice exercises) kwakunye nokuba bazalise ingcaciso yolawulo (administrative information) efunekayo kwiphepha elingaphandle lencwadana yovavanyo phambi kokuba baqalise ukubhala iimvavanyo ze-ANA. |
| 4. |
Iinkqubo emva kokubhalwa kwee-ANA |
| 4.1.1 |
Zonke iincwadi zeempendulo zamaBakala 1 – 6 no-9 ziya kumakishwa esikolweni ngootitshala bezifundo ezo. |
| 4.1.2 |
Konke ukumakishwa makugqitywe ungadlulanga owe-26 Septemba 2012, yaye amanqaku makafakwe kwimakhishithi ebonelelweyo. |
| 4.1.3 |
Isampula yeencwadi zeempendulo ezintathu (3) ngesifundo ngasinye nangeklasi nganye mayimodareyithwe yintloko yesifundo kwibakala ngalinye nakwisifundo ngasinye. |
| 4.2 |
Ukumakishwa kwakhona okukwiziko elinye (Centralised re-marking) |
| 4.2.1 |
Iisampula zeencwadi zeempendulo ezintathu (3) kwisifundo ngasinye kwiklasi nganye kwibakala ngalinye kumaBakala 3, 6 no-9 kwisikolo ngasinye, ziya kumakishwa kwakhona ngootitshala kumaziko akhethwe njengee-central venues. |
| 4.2.2 |
Iinkcukacha malunga nokuba zikhethwe njani na iisampula zeencwadi zempendulo, ziya kunikwa ngumququzeleli wovavanyo kwisithili semfundo. |
| 4.2.3 |
Zakuba zithathiwe iisampula kwiimvavanyo ezimakishiweyo, mazingeniswe yinqununu kwisithili semfundo ukulungiselela ukumakishwa kwakhona engabethanga u-14h00 nge-27 Septemba 2012. |
| 4.2.4 |
Izicwangciso zokuthatha iincwadi zeempendulo eziziisampula ezikolweni ziya kwenziwa siSithili seMfundo. |
| 4.3 |
Ukungqinisiswa kwee-ANA (AmaBakala 3, 6 no-9) |
| 4.3.1 |
I-Arhente eZimeleyo iya kubeka esweni ulawulo lweemvavanyo kwizikolo ezikhethiweyo kuzwelonke. Le arhente izimeleyo iya kumakisha iincwadi zeempendulo eziyi-25 ngesifundo ngasinye, ngebakala ngalinye kwizikolo ezikhethiweyo kuzwelonke. |
| 4.3.2 |
Kucelwa ukuba izikolo zenze ikopi yeencwadi zeempendulo ezizisampula (scripts sampled) ezikhethiweyo yi-arhente ezimeleyo yaye zizingenise iincwadi zeempendulo eziyintsusa kwi-arhente ezimeleyo ngosuku lovavanyo. Iincwadi zeempendulo ezifotokopiweyo mazimakishwe esikolweni yaye amanqaku makafakwe kwimakhishithi. |
| 4.3.3 |
Izikolo ziya kwaziswa yi-ofisi yesithili semfundo ukuba ngaba isikolo sikhethiwe na njengesikolo sokuNgqinisisa i-ANA (school for Verification ANA). |
| 4.4.1 |
Amanqaku makarekhodwe ngutitshala kwimakhishithi eyintsusa ayinikiweyo. |
| 4.4.2 |
Akuba amanqaku erekhodiwe, iimakhishithi mazisetyenziselwe ukukhetha iincwadi zeempendulo ukwenzela ukumakishwa kwakhona kwamaBakala 3, 6 no-9. |
| 4.4.3 |
Iimakhishithi zeeklasi zamaBakala 3, 6 no-9 zeencwadi zeempendulo ezizisampula, mazifotokotshwe yaye zenziwe iibhetshi kunye neesampula zeeklasi ezichaphazelekayo. Iincwadi zeempendulo eziziisampula kunye neemakhishithi mazingeniswe kwi-ofisi yesithili nge-27 Septemba 2012 engabethanga u-14:00. |
| 4.4.4 |
Ziyacelwa izikolo ukuba zifotokope iseti epheleleyo yeemakhishithi ukulungiselela ukuba igcinwe yinqununu. |
| 4.4.5 |
Zonke iimakhishithi eziyintsusa mazifakwe emvulophini ebonelelweyo zize zibuyiselwe kunye neencwadi zeempendulo ezizisampula kwi-Ofisi yeSithili seMfundo nge-27 Septemba 2012. |
| 5.1 |
Mazixelelwe izitenxo kuMququzeleli woVavanyo kwi-ofisi yesithili semfundo. Apha ngezantsi kudweliswe amagama neenombolo zefoni zabaququzeleli bovavanyo:
| ISithili seMfundo |
Umququzeleli wovavanyo |
Inombolo yefoni |
| Cape Winelands Education District |
Ms Jeannie Harker
Ms Monica Stanley |
023 348 4604
023 348 4655 |
| Metropole East Education District |
Ms Geraldine Kirchner |
021 900 7085 |
| Metropole Central Education District |
Ms Charmaine Pietersen |
021 514 6968 |
| Metropole North Education District |
Mr Gladstone Foster |
021 938 3027 |
| Metropole South Education District |
Ms Karen Dudley |
021 370 2059 |
| Overberg Education District |
Mr Trevor de Bruyn |
028 214 7364 |
| West Coast Education District |
Ms Gail Ahrends |
021 860 1568 |
| Eden and Central Karoo Education District |
Ms Lenise Hendricks |
044 803 8316 |
|
| 6. |
Nceda wazise okukule ngcaciso imfutshane bonke ootitshala abachaphazelekayo ukuze bakuthathela ingqalelo.
|
ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2012:08:27
|
 |