| Umhla: |
1 ne-2 Oktobha 2012 |
| Indawo: |
Cape Teaching and Leadership Institute,
Nooiensfontein Road, Kuils River |
| Amaxesha: |
1 Oktobha: 08:00 – 16:00
2 Oktobha: 08:00 – 13:00 |
| Ngoobani abamele ukuya kuyo: |
Ootitshala beMathematika bamaBakala R – 9 |
| 1. |
I-Cape Teaching and Leadership Institute (CTLI) imema ootitshala beMathematika bamaBakala
R – 9 ukuba bathathe inxaxheba kwiNkomfa yeziSombululo zeMathematika nokuba ngaba baza kwenza iinkcazo-ntetho okanye babe ngabathathi-nxaxheba. |
| 2. |
Injongo
Injongo yale nkomfa yemathematika kukunika imizekelo yeendlela ekunokufundiswa ngazo imathematika ngempumelelo.
|
| 3. |
Ingcaciso enikwa abo baza kwenza iinkcazo-ntetho (presenters) |
| 3.1 |
Ootitshala abanomdla ekwenzeni isifundo semathematika, ekufundeni iphepha elingokufundiswa kwemathematika okanye ekwenzeni lo masifundisane "a best practice" ("eyona ndlela ibhetele yokufundisa") oza kuqhutywa kule nkomfa kufuneka bakhokelwe zezi zinto zilandelayo:
- Isifundo okanye iphepha okanye umasifundisane othi "How I teach" ("Indlela endifundisa ngayo") makasekelwe kwiNkcazo yeKharityhulam kaZwelonke yamaBakala R – 9 aze ayanyaniswe neNkcazo yeKharityhulam noVavanyo kaZwelonke.
- Isifundo sifanele ukufundisa umba othile wesilabhasi yeMathematika kwibakala elithile.
- Abathathi-nxaxheba kufuneka bathathe inxaxheba kwisifundo okanye kumasifundisane.
- Ubude bexesha: Imizuzu engama-60. Nika imizuzu emi-5 – 10 yengxoxo yamaqela okanye yemibuzo.
- Iindawo zendibano ziya kuba neetafile nezitulo eziphathekayo, i-datha projektha kunye nebhodi emhlophe.
- Zonke iiwekhishithi (worksheets) zenkomfa ziya kuqokelelwa ziprintwe zenziwe incwadana. Oku kuthetha ukuba akukho mfuneko yokuba abenzi nkcazo-ntetho beze nezinye iikopi eziprintiweyo, ngaphandle kokuba abathathi-nxaxheba bacelwa ukuba basike okanye basonge amaphepha eewekhishithi.
- Zonke izinto zokufunda ezingamaphepha kufuneka zitayitshwe zize ziprintwe kwiprinta yeleyiza (laser), ukuba unako. ISebe leMfundo leNtshona Koloni liya kuzidyuplikheyitha izinto zokufunda.
|
| 3.2 |
Ukuba unomdla wokwenza okuthile kule nkomfa, kucelwa uzalise isiHlomelo A esiqhotyoshelweyo uze usibuyisele kuMnu K Scheepers kule nombolo yefeksi 021 900 5175/5027/5162 okanye kule dilesi ye-imeyili kscheepe@pgwc.gov.za ungadlulanga owe-17 Agasti 2012. |
| 4. |
Ingcaciso enikwa abathathi-nxaxheba |
| 4.1 |
Kucelwa ootitshala abangathanda ukuya kwinkomfa njengabathathi-nxaxheba ukuba bazalise iinkcukacha zabo kuluhlu lwesikolo kwisiHlomelo B. |
| 4.2 |
Makuthunyelwe isiHlomelo B esizalisiweyo kuMnu K Scheepers kule dilesi ye-imeyili kscheepe@pgwc.gov.za okanye kuGaynor Matthews kule dilesi ye-imeyili gmatthew@pgwc.gov.za okanye kule nombolo yefeksi 021 900 5175/5027/5162 ungadlulanga uLwesihlanu, we-31 Agasti 2012. |
| 4.3 |
Ubhaliso luya kuvalwa kwakuba kubhaliswe abathathi-nxaxheba bokuqala abayi-350. |
| 4.4 |
Iprogram yenkomfa iya kubandakanya iseshoni yeengxoxo zephaneli yamaqela (plenary panel discussion) neeseshoni eziqhubeka ngaxeshanye kwiindawo ezahlukeneyo (parallel sessions) ezenziwa ngabathathi-nxaxheba. Izikolo ezibhalisele le nkomfa ziya kufumana iinkcukacha zeprogram yenkomfa nge-imeyili ungadlulanga owa-21 Septemba 2012.
|
| 5. |
Amalungiselelo enkomfa |
| 5.1 |
Abathathi-nxaxheba okanye abenza iinkcazo-ntetho abasuka kwii-ofisi zezithili zemfundo ezisemaphandleni abahamba umgama ongaphezu kwe-120 km ngohambo lokuya nokubuya bangalala kwihostele yaseCape Teaching and Leadership Institute ngobusuku bangeCawa, we-30 Septemba 2012 nangoMvulo, we-1 Oktobha 2012. |
| 5.2 |
Indawo yokulala ehostele yaseCTLI iya kuhlawulwa liSebe iWCED. |
| 5.3 |
Iindleko zohambo aziyi kuhlawulwa liSebe iWCED. |
| 6. |
ISebe iWCED linethemba lokuba le nkomfa iya kuba ngamava abaya kuzuza lukhulu kuwo bonke ootitshala beMathematika abaya kubakho. |
| 7. |
Kucelwa wazise okukule ngcaciso imfutshane bonke abachaphazelekayo ukuze bakuthathele ingqalelo. |
ISAYINWE: NGU-BK SCHREUDER
USEKELA MLAWULI-JIKELELE WEKHARITYULAM NOLAWULO LWEMVAVANYO
UMHLA: 2012:07:31
|
 |