| 1. |
I-Cape Teaching and Leadership Institute (CTLI) imema zonke iinqununu ukuba zibhalisele le nkomfa nokuba ngaba ziza kwenza iinkcazo-ntetho okanye njengabathathi-nxaxheba. |
| 2. |
Injongo
Injongo yale nkomfa kukwabelana ngeembono, ngezona ndlela zibhetele nangamava malunga nolawulo nobunkokeli kwisikolo esiqhuba kakuhle.
|
| 3. |
Umhla, ixesha nendawo eya kuqhubekela kuyo inkomfa
Le nkomfa iya kuqhubeka ngoLwesine, we-4 Oktobha 2012, ukusuka ngo-08:00 – 16:00, nangoLwesihlanu, we-5 Oktobha 2012, ukusuka ngo-08:00 – 14:00, e-Cape Teaching and Leadership Institute, eNooiensfontein Road, eKuils River.
|
| 4. |
Ingcaciso enikwa abo baza kwenza iinkcazo-ntetho (presenters) |
| 4.1 |
Abantu abanomdla wokufunda intetho ebhaliweyo okanye wokuqhuba umasifundisane malunga "nezona ndlela zibhetele zolawulo" kule nkomfa mabakhokelwe koku kulandelayo: |
| 4.1.1 |
Abathathi-nxaxheba kwinkomfa mabathathe inxaxheba kumasifundisane. |
| 4.1.2 |
Ithuba lenkcazo-ntetho: 60 imizuzu. Iingxoxo zamaqela okanye imibuzo mayinikwe imizuzu emi-5 ukuya kweli-10. |
| 4.1.3 |
Kule nkomfa kuya kubakho iitafile nezitulo eziphatheka ngokulula, idatha-projektha, i-ovahedi-projektha, i-whiteboard ne-flipchart stand enephepha. |
| 4.1.4 |
Zonke izinto ezibhaliweyo mazitayitshwe zize ziprintwe kwi-laser printer, ukuba kunokwenzeka. ISebe iWCED liya kuzidyuplikheyitha izinto ezibhaliweyo. |
| 4.1.5 |
Iseshoni yengcaciso yabo bonke abenza iinkcazo-ntetho abakhethelwe iprogram, iya kuqhubeka ngoLwesine, we-30 Agasti 2012. |
| 4.2 |
Ukuba unomdla wokwenza okuthile kule nkomfa nge-4 nange-5 Oktobha 2012, kucelwa uzalise isiHlomelo A uze usibuyisele kuMnu A Lamprecht kule dilesi ye-imeyili alamprec@pgwc.gov.za okanye kule nombolo yefeksi 021 900 5175/5027/5162 engadlulanga uLwesihlanu, we-24 Agasti 2012. |
| 5. |
Ingcaciso enikwa abathathi-nxaxheba |
| 5.1 |
Ziyacelwa iinqununu ezinganqweneli kwabelana ngezona ndlela zibhetele zolawulo ezikolweni zazo kodwa zifuna ukubakho kule nkomfa, ukuba zizalise isiHlomelo B. |
| 5.2 |
IsiHlomelo B esizaliswe ngokupheleleyo masithunyelwe kuMnu A Lamprecht kule dilesi ye-imeyili alamprec@pgwc.gov.za okanye kule nombolo yefeksi 021 900 5175/5027/5162 engadlulanga uLwesihlanu, we-7 Septemba 2012. |
| 5.3 |
Ubhaliso luya kuvalwa kwakuba kubhaliswe abathathi-nxaxheba bokuqala abayi-300. |
| 5.4 |
Iprogram yenkomfa iya kubandakanya iseshoni yomntu wonke neseshoni yeengxoxo zamaqela ngamaqela (plenary and parallel sessions). Iinqununu ezibhalisele le nkomfa ziya kufumana iinkcukacha zeprogram yenkomfa nge-imeyili ungadlulanga uLwesihlanu, we-21 Septemba 2012. |
| 6. |
Amalungiselelo enkqubo yenkomfa |
| 6.1 |
Abathathi-nxaxheba abahamba ngaphezu kwe-120 km ngohambo lokuya nokubuya, bangalala ehostele yaseCTLI ngobusuku bangoLwesithathu,we-3 Oktobha nangoLwesine, we-4 Oktobha 2012. |
| 6.2 |
Indawo yokulala ehostele yaseCTLI iya kuhlawulwa liSebe iWCED. |
| 6.3 |
Iindleko zohambo azisayi kuhlawulwa liSebe iWCED. |
| 6.4 |
ISebe iWCED linethemba lokuba le nkomfa iya kuba ngamava eziya kuzuza lukhulu kuwo zonke iinqununu eziya kubakho kwinkomfa. |
| 6.5 |
Kucelwa wazise okukule ngcaciso imfutshane bonke abachaphazelekayo ukuze bakuthathele ingqalelo. |
ISAYINWE: NGU-BK SCHREUDER
USEKELA MLAWULI-JIKELELE WEKHARITYHULAM NOLAWULO LOVAVANYO
UMHLA: 2012:07:17
|
 |