1. |
Aansoeke word ingewag van onderwysers, kurrikulumadviseurs en senior kurrikulumbeplanners wat aan die kriteria voldoen soos gespesifiseer in Bylae A vir betrekkings van interne moderator, hoofnasiener, adjunkhoofnasiener en nasiener vir die Nasionale Senior Sertifikaat-eksamen (NSS-eksamen) van November 2012, die NSS-eksamen van November 2013, die aanvullende eksamens van 2013 en 2014 vir die volgende vakke:
Afrikaans Huistaal Afrikaans Tweede Addisionele Taal Landbouwetenskap Rekenaartoepassingstegnologie Dansstudies Dramatiese Kunste Engels Eerste Addisionale Taal Elektriese Tegnologie Xhosa Eerste Addisionele Taal Wiskunde Vraestel 3 Musiek Sesotho Huistaal Toerisme Gasvryheidstudies |
Afrikaans Eerste Addisionale Taal Landbou-bestuurspraktyke Landboutegnologie Siviele Tegnologie Ontwerp (Teorie) Engels Huistaal Ingenieursgrafika en Ontwerp Xhosa Huistaal Xhosa Tweede Addisionele Taal Meganiese Tegnologie Religieuse studies Tswana Huistaal Visuele Kunste Ontwerp (Prakties) |
|
2. |
Beamptes wat aan die aanstellingskriteria voldoen (Bylae A), en wat 'n slaagsyfer van ten minste 70% in die 2011 NSS-eksamen behaal het in die betrokke vak in hulle skoolklasse, word versoek om aansoek te doen om bogenoemde poste. Lê asseblief die voltooide aansoekvorm (Bylae B) en die verklaringsvorm (Bylae C) teen 28 Maart 2012 aan die WKOD voor. |
3. |
Voorlegging van aansoeke |
3.1 |
Alle aansoeke moet op die aangehegte aansoekvorm (Bylae B) gedoen word en moet van die volgende vergesel word:
- 'n Begeleidende brief waarin die aansoeker verduidelik hoekom hy of sy vir die pos aansoek doen.
- 'n Voltooide verklaringsvorm waarvan 'n afskrif aangeheg is aan hierdie minuut as Bylae C.
|
3.2 |
Alle nuwe aansoekers moet die volgende dokumente aanheg by hulle aansoekvorms:
- Kurrikulum vitae
- Gewaarmerkte afskrif van identiteitsdokument
- Gesertifiseerde afskrif(te) van akademiese studierekord(s)
- Gewaarmerkte afskrif(te) van kwalifikasiesertifikaat/-sertifikate
|
3.3 |
Aansoeke moet by die volgende adres ingedien word:
Hoof: Onderwys Vir aandag: Mnr M Cameron Direktoraat: Eksamenadministrasie Wes-Kaap Onderwysdepartement 4de Vloer, Grand Central Gebou Laer Parlementstraat KAAPSTAD, 8001
Aansoeke moet die WKOD teen 28 Maart 2012 bereik.
|
4. |
Suksesvolle aansoekers sal skriftelik van hulle aanstellings verwittig word en sal 'n kontrak met die WKOD moet sluit. Verdere korrespondensie aangaande die nasienproses sal dan volg. |
5. |
Die aangehegte ontvangserkenning (Bylae D) moet voltooi word deur die skoolhoof en terugbesorg word aan die WKOD. |
6. |
Die nasien van NSS-eksamenskrifte is een van die belangrikste funksies van die eksamineringsproses. Die WKOD is trots op die aanstelling van gekwalifiseerde en bevoegde nasieners. Prinsipale en ander senior beamptes wat nasieners aanbeveel moet dus in goeder trou optree. Let asseblief daarop dat die verskaffing van foutiewe inligting op die aansoekvorm beskou sal word as bedrog en daar sal ingevolge die Wet op die Indiensneming van Opvoeders opgetree word. |
7. |
Dit is uiters belangrik dat prinsipale, onderwysdistriksdirekteure, IBB-adviseurs en kurrikulumadviseurs die inhoud van hierdie minuut onder die aandag bring van alle onderwysers sodat hulle bekend sal wees met die aanstellingskriteria voordat aansoeke ingedien word. Die Direktoraat: Eksamenadministrasie kan nie enige verantwoordelikheid aanvaar indien onderwysers nie van die inhoud van hierdie minuut ingelig word nie. |
8. |
Die WKOD maak staat op u samewerking en ondersteuning in hierdie belangrike saak. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2012:03:14
|
|