| 1. |
Aansoeke word ingewag van onderwysers, kurrikulumadviseurs en senior kurrikulumbeplanners wat aan die kriteria voldoen soos gespesifiseer in Bylae A vir betrekkings van interne moderator, hoofnasiener, adjunkhoofnasiener en nasiener vir die Nasionale Senior Sertifikaat-eksamen (NSS-eksamen) van November 2012, en November 2013, en die Aanvullende Eksamen van 2013 en 2014 (waar van toepassing). |
| 2. |
In 2011 is bevoegdheidstoetse geskryf in Rekeningkunde, Besigheidstudies, Geografie, Geskiedenis, Lewenswetenskappe, Wiskunde en Fisiese Wetenskappe. |
| 3. |
Vir 2012 het die Wes-Kaap Onderwysdepartement (WKOD) die volgende drie vakke gevoeg by die lys van vakke waarin bevoegdheidstoetse deur alle aansoekers geskryf gaan word: Verbruikerstudies, Ekonomie en Wiskundige Geletterdheid. |
| 4. |
Slegs aansoekers wat die bevoegdheidstoets skryf en ‘n punt van ten minste 60% of meer behaal, sal oorweeg word vir aanstelling as nasienerbeamptes vir die nasienperiode van November 2012, November 2013 en die Aanvullende Eksamen van Maart 2013 en Maart 2014 (waar van toepassing). |
| 5. |
Alle aansoekers wat die bevoegdheidstoets in Rekeningkunde, Besigheidstudies, Geografie, Geskiedenis, Lewenswetenskappe, Wiskunde en Fisiese Wetenskappe in 2011 geskryf het en 'n punt van ten minste 60% of meer behaal het, hoef nie die bevoegdheidstoetse in hierdie vakke in 2012 af te lę nie. Hierdie groep aansoekers moet egter 'n aansoekvorm (Bylae B), asook 'n verklaringsvorm (Bylae C) teen 19 Maart 2012 aan die WKOD voorlę om vir aanstelling vir November 2012, November 2013, en die Aanvullende Eksamen van 2013 en 2014 (waar van toepassing) oorweeg te word. |
| 6. |
Alle persone wat die bevoegdheidstoets in 2011 afgelę het en 'n punt minder as 60% behaal het, sowel as nuwe aansoekers wat voldoen aan die aanstellingskriteria soos genoem in Bylae A, moet hulle aansoekvorm (Bylae B), verklaringsvorm (Bylae C) en registrasievorm aan die WKOD voorlę voor 19 Maart 2012, om die bevoegdheidstoets (Bylae D) af te lę. |
| 7. |
In die geval van Wiskundige Geletterdheid, Ekonomie en Verbruikerstudies, moet alle aansoekers wat voldoen aan die aanstellingskriteria soos gelys in Bylae A die bevoegdheidstoets aflę om te kan kwalifiseer vir 'n aanstelling as nasiener in November 2012, November 2013 en die Aanvullende Eksamen van Maart 2013 en Maart 2014 (waar van toepassing). Dien asseblief, die aansoekvorm (Bylae B), verklaringsvorm (Bylae C) sowel as die registrasievorm om die bevoegdheidstoets af te lę, (Bylae D) in aan WKOD teen 19 Maart 2012. |
| 8. |
Rooster vir die aflę van die bevoegdheidstoetse |
| 8.1 |
Alles moontlik sal gedoen word om aansoekers by ‘n lokaal in hulle onderwysdistrik te akkommodeer vir die aflę van die bevoegdheidstoets. Besonderhede van hierdie lokale sal binnekort aan individuele aansoekers oorgedra word. Die bevoegdheidstoets sal gebaseer word op die sillabus vir die NSS-vak of vakvraestel waarvoor aansoek gedoen is en sal ook die nodige nasienbevoegdheid assesseer. In die geval van Geografie, sal aansoekers getoets word oor die sillabus wat in Vraestel 1 sowel as 2 geëksamineer word.
Datums vir die aflę van die bevoegdheidstoetse
| VAKKE |
DATUM |
TYD |
| Rekeningkunde en Wiskunde |
17 April 2012 |
15:00 – 17:00 |
| Fisiese Wetenskappe en Lewenswetenskappe |
18 April 2012 |
15:00 – 17:00 |
| Besigheidstudies, Geskiedenis en Geografie |
19 April 2012 |
15:00 – 17:30 |
| Wiskundige Geletterdheid |
24 April 2012 |
15:00 – 17:00 |
| Verbruikerstudies en Ekonomie |
25 April 2012 |
15:00 – 17:00 |
|
| 9. |
Voorlegging van aansoeke |
| 9.1 |
Alle aansoeke moet op die aangehegte aansoekvorm (Bylae B) gedoen word en moet van die volgende vergesel wees:
- 'n Begeleidende brief waarin die aansoeker verduidelik hoekom hy of sy vir die pos aansoek doen.
- 'n Voltooide verklaringsvorm, waarvan 'n afskrif aangeheg is aan hierdie minuut as Bylae C.
|
| 9.2 |
Alle nuwe aansoekers moet die volgende dokumente aanheg by hulle aansoekvorms:
- Curriculum vitae
- Gewaarmerkte afskrif van identiteitsdokument
- Gesertifiseerde afskrif(te) van akademiese studierekord(s)
- Gewaarmerkte afskrif(te) van kwalifikasiesertifikaat/-sertifikate
|
| 9.3 |
Aansoeke moet by die volgende adres ingedien word:
Hoof: Onderwys
Vir aandag: Mnr M Cameron
Direktoraat: Eksamenadministrasie
Wes-Kaap Onderwysdepartement
4de Vloer, Grand Central Towers
Laer Parlementstraat
KAAPSTAD
8001
Aansoeke moet die WKOD teen 19 Maart 2012 bereik.
|
| 10. |
Suksesvolle aansoekers sal skriftelik van hulle aanstellings verwittig word en sal ‘n kontrak met die WKOD moet sluit. Verdere korrespondensie aangaande die nasienproses sal dan volg. |
| 11. |
Die nasien van NSS-eksamenskrifte is een van die belangrikste funksies van die eksamineringsproses. Die WKOD is trots op die aanstelling van gekwalifiseerde en bevoegde nasieners. Prinsipale en ander senior beamptes wat nasieners aanbeveel moet dus in goeder trou optree. Let asseblief daarop dat die verskaffing van foutiewe inligting op die aansoekvorm beskou sal word as bedrog en daar sal ingevolge die Wet op die Indiensneming van Opvoeders opgetree word. |
| 12. |
Dit is uiters belangrik dat prinsipale, onderwysdistriksdirekteure, IBB-adviseurs en kurrikulumadviseurs die inhoud van hierdie minuut onder die aandag bring van alle onderwysers sodat hulle bekend sal wees met die aanstellingskriteria voordat aansoeke ingedien word. Die Direktoraat: Eksamenadministrasie kan geen verantwoordelikheid aanvaar indien onderwysers nie van die inhoud van hierdie minuut ingelig word nie. |
| 13. |
Die aangehegte ontvangserkenning van hierdie minuut (Bylae E) moet voltooi word deur die skoolhoof en aan die WKOD terugbesorg word. |
| 14. |
Die WKOD maak staat op u samewerking en ondersteuning in hierdie belangrike saak. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2012:03:09
|
 |