1. Agtergrond

Omsendbrief 0012/2012 van 22 Maart 2012 het inligting verskaf oor die plan om die graad R tot 12 Kurrikulum- en Assesseringsbeleidsverklarings (KABV) in die Intermediêre Fase bekend te stel (graad 4 tot 6).

Hierdie minuut dien as tweede communiqué om skole en onderwysdistrikskantore in te lig van die Wes-Kaap Onderwysdepartement (WKOD) se reëlings vir onderwyseropleiding, sowel as oriënteringsessies vir skoolhoofde en relevante adjunkprinsipale.

2. Onderwyseropleiding
2.1 Datums en tye

Onderwyseropleiding vir alle Intermediêre Fase onderwysers begin op Maandag, 9 Julie en eindig op Woensdag, 11 Julie 2012. Opleiding sal elke dag om 08:30 begin en om 16:00 eindig.

Registrasie sal plaasvind tussen 07:30 en 08:30 op die eerste dag. Deelnemers moet alle opleidingsessies vir die 3 dae bywoon om seker te maak dat die volle omvang van die inhoud verstaan word. Bywoningsertifikate sal toegeken word slegs vir volledige bywoning.
2.2 Registrasie

Van skole is verwag om vir die Intermediêre Fase bywoning te registreer teen 16 April 2012. Logistieke reëlings is getref volgens die sterkte van die inligting wat tot hede ontvang is.
2.3 Lokale

Elke onderwysdistrikskantoor het opleidingslokale per kring gereël. (Sien Bylae A vir lys van lokale.) Distrikskantore sal elke skool verwittig van sy opleidingslokaal.

Oggendverversings en ‘n ligte middagete sal by die opleiding verskaf word.
2.4 Reise (hierdie inligting word herhaal uit Omsendbrief 0012/2012)

‘n Reistoelaag sal betaal word op die volgende voorwaardes:

  • Volle werkswinkelbywoning moet bevestig word.
  • Ten minste 40 km per retoerrit moet gereis word per dag (openbare en privaat vervoer)
  • Die eis moet nie 180 km per retoerrit per dag oorskry nie. Onderwysers wat meer as 180 km per retoerrit per dag moet reis, mag vir akkommodasie registreer. (Sien Omsendbrief 0012/2012 van 22 Maart 2012.)

Eise sal geassesseer word ooreenkomstig die volgende kriteria:

Gebruik van eie motor Onderwysers moet so ver as moontlik vervoer deel.
Slegs die bestuurder of eienaar van die voertuig mag vir die kilometerafstand wat gereis is, eis.
Alle passasiers moet gelys word.
‘n Standaardtarief van R2.00 per km sal betaal word.
Enjinkapasiteit is nie van toepassing nie.
Gebruik van gedeelde vervoer in ‘n privaat voertuig Slegs die bestuurder of eienaar van die voertuig mag vir die kilometerafstand wat gereis is, eis. Alle passasiers moet gelys word. ‘n Standaardtarief van R2,00 per km sal betaal word. Enjinkapasiteit is nie van toepassing nie.
Die gebruik van gedeelde vervoer in ‘n bus of minibus van die skool Die skool mag óf sy eie bus gebruik en vir kilometers afgelê ‘n eis indien óf ‘n voertuig huur volgens die goedkoopste kwotasie en die kontrakteur betaal. Kwotasies moet voorgelê word aan die distrikskoördineerder en moet goedgekeur word voor ‘n kontrak aangegaan word. In die geval dat ‘n voertuig gehuur word, sal die WKOD die skool vergoed by ontvangs van getekende dokumente. Onderwysers moet reël dat die groep op ‘n sentrale punt opgelaai word.
Gebruik van openbare vervoer bv taxi, bus, trein maar nie n taxi wat n meter in het nie Eise moet die begin- en eindpunt van elke been van die reis aandui. Vergoeding sal geskied ooreenkomstig die standaardtariewe. Bewyse (kaartjies) kan versoek word deur die eisebeampte om die eis geldig te maak.
2.5 Hoe om te eis

Alle onderwysers wat deur die SBL aangestel word, of wat in kontrak met die WKOD is, moet die aangehegte Bankbesonderhedevorm (Bylae B) voltooi. Let asseblief daarop dat hierdie vorm gestempel moet word deur die bank en na die werkswinkel gebring word op Dag 1.

Alle eise moet voorgelê word aan die eisebeampte by die opleidingslokaal, saam met al die oorspronklilke dokumentasie ter ondersteuning van die eise. Slegs oorspronklike dokumente mag voorgelê word. Geen fakse of fotokopieë sal aanvaar word nie.

Eisers sal slegs vergoed word na voltooiing van die opleidingskursus en sal dus vooraf hulle eie onkoste moet betaal. Waar nodig, word skole vriendelik versoek om hulle onderwysers in hierdie opsig tegemoet te kom. Bewys van betaling moet gehou en voorgelê word.

Terugbetalings sal slegs gemaak word na die eis deeglik ondersoek is, en die WKOD hou hom die reg voor om die finale besluit te neem waar daar enige teenstrydigheid is.

3. Oriëntering van prinsipale en adjunkprinsipale
3.1 Datums en tye

Prinsipale van skole met grade in die Intermediêre Fase moet ‘n eendaagse oriënteringswerkswinkel oor die KABV bywoon. Al daardie adjunkprinsipale wat verantwoordelik is vir grade in die Intermediêre Fase moet dit ook saam met hulle prinsipale bywoon. Hierdie werkswinkel sal plaasvind op 12 Julie 2012 en sal stiptelik om 08:30 begin en op 16:00 eindig.

Registrasie sal plaasvind tussen 08:00 en 08:30. Prinsipale en hulle betrokke adjunkprinsipale moet die volle dag bywoon om te verseker dat die volle omvang van die inhoud verstaan word.
3.2 Registrasie

Van prinsipale en adjunkprinsipale was verwag om vir bywoning te registreer. Logistieke reëlings is beplan op grond van die inligting wat tot op hede ontvang is.
3.3 Lokale

Elke distrikskantoor het werkswinkellokale gereël, en ‘n lys van hierdie lokale is aangeheg as
Bylae C.

Oggendverversings en ‘n ligte middagete sal by die werkswinkel verskaf word.
3.4 Reis

Die bepalings en voorwaardes soos uiteengesit in paragraaf 2.4 hierbo, sal van toepassing wees.
3.5 Hoe om te eis

Die bepalings en voorwaardes soos uiteengesit in paragraaf 2.5 hierbo, sal van toepassing wees.

Alle Intermediêre Fase onderwysers, skoolbestuurspanne en betrokke beamptes word daaraan herinner dat onderwysers in staat moet wees om die implementering van die KABV in die Intermediêre Fase vanaf 2013 bekend te stel. Hierdie werkswinkels is ontwerp om implementering moontlik te maak en te verseker dat 2013 met die KABV ooreenstem.

4. Skoolhoofde van primêre skole en distriksdirekteure word vriendelik versoek om hierdie minuut onder die aandag van alle personeel te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2012:06:14

Bylae A: "List of training venues for the CAPS training of Intermediate Phase Teachers"  (grootte: 56 KB)
Bylae B: "BAS Entity Maintenance Bank Details Form"  (grootte: 28 KB)
Bylae C: "List of training venues for the Intermediate Phase CAPS training of Principals / Deputies"  (grootte: 42 KB)