| 1. |
Soos u bewus is, neem u skool tans deel aan Fase 2 van die provinsiale Geletterdheid- en Gesyferdheidsintervensie. Hierdie fase moet oor 2 siklusse gevolg word:
- Siklus 1 het in Junie-Julie 2011 begin, met ‘n 5-daagse opleidingsessie vir onderwysers, in Geletterdheid of Gesyferdheid. Dit is opgevolg deur ter plaatse ondersteuning vir onderwysers om hulle by te staan met die implementering van nuwe metodologieë.
- Siklus 2-opleiding sal gehou word gedurende Junie-Julie 2012. Let daarop dat skole wat voorheen Geletterdheidondersteuning in Siklus 1 ontvang het, nou Gesyferdheidondersteuning sal ontvang in Siklus 2, en omgekeerd.
|
| 2. |
Hierdie minuut dien as ‘n formele kennisgewing aan alle Fase 2-skole dat die Siklus 2-opleiding sal plaasvind tydens Junie-Julie 2012 en onderwysers en departementshoofde moet die volgende datums hieronder aanteken:
| 25 tot 29 Junie
|
02 tot 06 Julie |
Opleiding sal oor 5 dae plaasvind. Die tye is soos volg:
- Maandag: Registrasie teen 8:00 Opleiding begin 8:30 en eindig 15:30
- Dinsdag tot Donderdag: 08:30 tot 15:30)
- Vrydag: 8:30 tot 13:00)
Raadpleeg asb. Bylae A vir lokale
|
| Onderwysdistrik Metro-Sentraal |
Onderwysdistrik Metro-Suid |
| Onderwysdistrik Metro-Noord |
Onderwysdistrik Metro-Oos |
| Onderwysdistrik Weskus |
Onderwysdistrik Kaapse Wynland |
| Onderwysdistrik Eden & Sentrale Karoo |
Onderwysdistrik Overberg |
|
| 3. |
Die volgende onderwysers moet registreer om die opleiding by te woon:
- Skole wat Taalopleiding en ondersteuning in Siklus 2 ontvang (Sien Bylae A), moet alle Grondslagfase onderwysers (graad 1 tot 3) en alle Intermediêre Fase onderwysers wat Tale onderrig registreer.
- Skole wat Wiskundeopleiding en ondersteuning in Siklus 2 ontvang (Sien Bylae A), moet alle Grondslagfase onderwysers (graad 1 tot 3) registreer, maar slegs die Intermediêre Fase onderwysers wat Wiskunde onderrig (graad 4 tot 6).
|
| 4. |
Registrasie
Vroeë registrasie van onderwysers is noodsaaklik vir die beplanning en bestuur van die opleiding. Prinsipale word dus versoek om die aangehegte registrasievorm (Bylae B) te voltooi en terug te besorg teen Maandag, 16 April 2012, na die betrokke distrikskoördineerder vir AOO.
|
| 5. |
Reis
‘n Reistoelaag sal betaal word op die volgende voorwaardes:
- Volledige bywoning van opleidingskursus moet bevestig word.
- Die totale afstand wat gereis is vir die periode van 5 dae moet 100 km oorskry, d.w.s. dit moet ten minste ‘n 20 km retoerafstand elke dag wees.
- Die totale afstand wat vir die 5-dag-periode geëis word, mag nie 700 km oorskry nie, d.w.s. dit mag nie meer as 140 km retoerafstand per dag wees nie. Deelnemers wat hierdie afstand oorskry, sal nie vir meer as 700 km reisafstand vergoed word nie en word aangeraai om eerder vir akkommodasie te registreer.
Eise sal geassesseer word ooreenkomstig die volgende kriteria:
| Gebruik van eie motor |
Onderwysers moet so ver as moontlik vervoer deel.
Slegs die bestuurder of eienaar van die voertuig mag vir die kilometerafstand wat gereis is, eis. Alle passasiers moet gelys word.
‘n Standaardtarief van R2,00 per km sal betaal word. Enjinkapasiteit is nie van toepassing nie. |
| Gebruik van ‘n betaalde saamryklub in ‘n privaat motor |
Slegs die bestuurder of eienaar van die voertuig mag vir die kilometerafstand wat gereis is, eis.
Hierdie eis moet ondersteun word deur ‘n beëdigde verklaring wat die name van al die passasiers verskaf.
‘n Standaardtarief van R2,00 per km sal betaal word. Enjinkapasiteit is nie van toepassing nie. |
| Gebruik van ‘n saamryklub in ‘n bus of minibus |
Die skool moet die voertuig huur teen die goedkoopste tarief en moet die kontrakteur betaal. Die WKOD sal die skool vergoed by ontvangs van die getekende dokument. Onderwysers moet reël dat die groep op ‘n sentrale punt opgelaai word. |
| Gebruik van openbare vervoer bv. taxi, bus, trein |
Eise moet die begin- en eindpunt van die reis aandui. Vergoeding sal plaasvind ooreenkomstig die standaardtariewe. Bewyse (kaartjies) kan versoek word deur die eisebeampte om die eis geldig te maak. |
|
| 6. |
Akkommodasie en maaltye (waar relevant)
Akkommodasie en maaltye (aandete en ontbyt) sal slegs op die volgende basis verskaf word:
- Die afstand na die opleidingslokaal moet meer as 60 km een rigting per dag wees.
- Volledige bywoning van die opleidingskursus moet bevestig word.
- Beskikbaar vanaf die eerste tot die laaste dag van die opleidingskursus, met die opsie om te arriveer tussen 16:00 en 17:00 op die Sondag voor die werkswinkel begin.
- Soorte akkommodasie
| Koshuisakkommodasie |
VOO-kollege-koshuisakkommodasie is gereël, sonder enige koste vir onderwysers. Onderwysers moet hierdie akkommodasie bespreek op die aangehegte registrasiestrokie (Bylae B) teen die keerdatum. Koshuisakkommodasie sal geskied d.m.v. gedeelde kamers en onderwysers moet hulle eie beddegoed, handdoeke en toiletware saambring. |
| Geregistreerde gasvryheidsinrigtings, soos bv. bed-en-ontbyt-gastehuise, hotel |
Onderwysers wat verkies om nie in die koshuis te bly nie mag in ‘n geregistreerde gasvryheidsinrigting oorbly. Die volgende voorwaardes sal van toepassing wees:
- Onderwysers moet die aangehegte registrasiestrokie voltooi (Bylae B) en teen die keerdatum terugstuur.
- ‘n maksimum van R250 per dag mag geëis word vir aandete, bed en ontbyt.
- ‘n Oorspronklike faktuur van die instelling moet medeonderteken word deur die eiser en by die opleidingskursus ingelewer word.
|
| Familie akkommodasie |
Die volgende voorwaardes is van toepassing op onderwysers wat verkies om by familie oor te bly:
- Onderwysers moet die aangehegte registrasiestrokie (Bylae B) voltooi en terugstuur voor die keerdatum.
- ‘n Maksimum van R130 per dag mag geëis word vir aandete, bed en ontbyt.
- Hierdie eis moet vergesel wees van ‘n beëdigde verklaring van die familielid of persoon wat die akkommodasie verskaf het, medeonderteken deur die eiser en moet by die opleidingskursus ingelewer word.
|
|
| 7. |
Hoe om te eis
Die aangehegte bankbesonderhedevorm moet ingevul word en deur die bank gestempel word vir voorlegging aan die eisebeampte by die opleidingslokaal, saam met al die oorspronklilke dokumentasie ter ondersteuning van die eise. Slegs oorspronklike dokumente mag voorgelê word. Geen fakse of fotokopieë sal aanvaar word nie.
Eisers sal slegs vergoed word na voltooiing van die opleidingskursus en sal dus vooraf hulle eie onkoste moet betaal. Waar nodig, word skole vriendelik versoek om hulle onderwysers in hierdie opsig tegemoet te kom. Bewys van betaling moet bewaar word.
Terugbetalings sal slegs gemaak word na die eis deeglik ondersoek is, en die WKOD behou die reg voor om die finale besluit te neem waar daar enige teenstrydigheid is.
Alle eise moet by die opleidingslokaal ingelewer word. Geen laat of onvolledige eise sal aanvaar word nie.
|
| 8. |
Navrae
Indien u enige verdere navrae het, moet asseblief nie huiwer om die betrokke distrikskoördineerder vir AOO te skakel, wie se kontakbesonderhede hieronder verskyn nie.
|
| 9. |
Prinsipale word versoek om seker te maak dat inligting in hierdie minuut oorgedra word aan alle onderwysers en dat alle relevante registrasiebesonderhede by die distrikskoördineerder vir AOO gelewer word teen nie later nie as Maandag, 16 April 2012. |
| 10. |
Die WKOD sien daarna uit dat u skool sal deelneem aan Siklus 2 van hierdie intervensie wat ‘n positiewe reaksie is op die uitdaging om die vlakke van geletterdheid en gesyferdheid te verbeter. Sodoende kan verseker word dat alle leerders in staat sal wees om te lees, skryf en reken op aanvaarbare internasionale vlakke. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2012:03:20
|
 |