1. Die Olimpiade is 'n nasionale projek wat gemik is op die ondersteuning van onderwysers van Natuurwetenskappe en die verbetering van klaskamerpraktyk. Die projek word geborg deur Edcon deur middel van die Suid-Afrikaanse Agentskap vir die Bevordering van Wetenskap en Tegnologie. Na die suksesvolle loodsprojek in 2011 sal die Olimpiade nou oop wees vir alle geïnteresseerde skole in 2012.
2. In 2011 was die toppresterende leerder in die Wes-Kaap Thamsanqa Kema van Tyholora Primêre Skool in George, wat ‘n iPod gewen het.
3. Die getal leerders wat vir Wetenskap-vakke in die VOO-band inskryf, het afgeneem. Die Natuurwetenskappe Olimpiade is dus daarop gemik om belangstelling te skep en die begeerte om die wetenskappe te bestudeer te laat herleef. In die 21ste eeu vereis die natuurwetenskappe dat leerders vermoëns demonstreer soos kritiese denke, probleemoplossing en kreatiwiteit.
4. Die VOO-eksamenuitslae in die wetenskappe (Lewenswetenskappe, Fisiese Wetenskappe, Landbouwetenskappe en Geografie) toon nie genoegsame verbetering in ons skole nie, veral nie in ons benadeelde gemeenskappe nie.Leerders moet beter voorberei word vir VOO-studies.
5. Daar is indrukwekkende pryse vir toppresteerders in die Olimpiade.
6. Ons moedig dus alle skole aan om leerders in Intermediêre Fase en Senior Fase in te skryf vir hierdie stimulerende geleentheid.
7. Dit is ‘n massa-deelnemingsgeleentheid en tot 75 leerders per skool mag inskryf. Die Olimpiade sal op Woensdag, 2 Mei 2012 geskryf word.
8. Die Olimpiade is in twee kategorieë verdeel: Intermediêre Fase en Senior Fase. Afsonderlike vraestelle sal geskryf word vir hierdie twee kategorieë. Tans word die Olimpiese eksamen slegs in Engels afgeneem. Ten spyte hiervan het Vergenoeg Primêre Skool in die Weskus, wat Afrikaans as onderrigtaal het, in 2011 tweede posisie in die provinsie behaal. Die nasionale organiseerders het aangedui dat die Olimpiade vraestelle in 2013 in Afrikaans vertaal sal word.
9. Alle skole word uitgenooi om deel te neem aan hierdie Olimpiade. Prinsipale word versoek om die aangehegte registrasievorm te voltooi (Bylae A en Bylae B) en terug te stuur nie later nie as teen 14:00 op Vrydag, 24 Februarie 2012 na die betrokke kurrikulumbeampte by hulle distrikskantoor (sien die lys hieronder).

Onderwysdistrik Kurrikulumbeampte Tel. Faks E-pos
Kaapse Wynland Edgar Johannes
AOO-koördineerder		 023 348 4604 086 531 0476 Eajohann@pgwc.gov.za
Eden & Sentraal-Karoo Alta Raath
Hoof: KKA		 044 803 8326 086 511 0504 Asraath@pgwc.gov.za
Overberg Jenny Bridgeman
Hoof: KKA		 028 214 7359 028 214 7400 Julster@pgwc.gov.za
Weskus Ebrahim Peck
AOO-koördineerder		 021 860 1569 021 872 5394 Epeck@pgwc.gov.za
Metro-Noord Malefo Makena
AOO-koördineerder		 021 938 3104 021 938 3183 Mmakena@pgwc.gov.za
Metro-Oos Ursula Esau
AOO-koördineerder		 021 900 7051 021 903 9484 Uesau@pgwc.gov.za
Metro-Suid Fadli Wagiet
AOO-koördineerder		 021 370 2041 086 556 9519 Fwagiet@pgwc.gov.za
Metro-Sentraal Avrille Morgendal
AOO-koördineerder		 021 514 6770 021 514 6953 Amorgend@pgwc.gov.za
10. U skool se poging om wetenskap in die klaskamer meer opwindend te maak, sal hoog op prys gestel word.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2012:02:13

Natuurwetenskap Olimpiade-inligtingsblad  (grootte: 13 KB)
Bylae A: "Application to enter"  (grootte: 15 KB)
Bylae B: "Entry form"  (grootte: 14 KB)