| 1. |
Die Wes-Kaap Onderwysdepartement (WKOD) sal wiskundestelle verskaf aan gekeurde openbare skole in Kwintiel 1 – 4 wat in Fase 2 van die Geletterdheid- en Gesyferdheid-Intervensie verkeer. Aflewering sal plaasvind tussen 14 Januarie en 15 Februarie van 2013. |
| 2. |
Die lys skole wat hierdie stelle sal ontvang, is aangeheg. |
| 3. |
In hierdie skole sal elke onderwyser of klaskamer van graad 1 tot 6 van 'n wiskundestel voorsien word wat 'n verskeidenheid minipulatiewe bevat wat geskik is vir Wiskundeonderrig. |
| 4. |
Elke besending wat afgelewer word, moet onmiddellik deur die prinsipaal en personeel soos volg gekontroleer word: |
| 4.1 |
Kontroleer of die hoeveelhede wat per fase en graad afgelewer is ooreenstem met die hoeveelhede genoem op die afleweringsnota en op die inventaris wat saam met elke stel verskaf word. Indien daar tekorte of brekasies voorkom, moet dit binne 48 uur skriftelik aan die diensverskaffer gerapporteer word. 'n Afskrif van daardie verslag moet op lêer gehou word. |
| 4.2 |
Versuim om die diensverskaffer skriftelik binne die bepaalde tyd in kennis te stel sal beteken dat die skool anspreeklik sal wees om die situasie, reg te stel. Die diensverskaffer het onderneem om enige artikels wat weggelaat is of gebreek het binne twee weke vandat hulle daarvan in kennis gestel is, aan te vul. |
| 4.3 |
Die kontakbesonderhede van die diensverskaffer, Supedi, is soos volg:
|
| 5. |
Die aangehegte Bylae A en B bevat 'n lys van die inhoud van elke stel wat verskaf sal word vir die Grondslag- en Intermediêre Fase. |
| 6. |
Prinsipale en departementshoofde moet seker maak dat 'n inventaris gehou word van al die bronne wat deur die WKOD verskaf is en dat 'n streng herwinningsbeleid gevolg word. |
| 7. |
'n Onderwysersgids is by elke stel ingesluit om die onderwyser te help met die doeltreffende gebruik van die manipulatiewe in die klaskamer. Onderwysdistriksbeamptes sal ook onderwysers ondersteun en lei in die gebruik van die manipulatiewe. Daar word verwag dat die stelle onbeskadig en in goeie toestand sal wees wanneer bystand verleen word. |
| 8. |
Onderwysers en leerders word aangemoedig om hulleself vertroud te maak met die inhoud van elke stel wat vir die Grondslag- en Intermediêre Fase verskaf is. |
| 9. |
Skole word versoek om seker te maak dat hierdie wiskundestelle met sorg gebruik en bestuur word, aangesien niks binne die volgende 5 jaar vervang sal word nie. Die herstel en vervanging van beskadigde komponente sal die verantwoordelikheid van die skool wees. |
| 10. |
Die benutting van die stel sal deur die Departement se Fasehoof en distriksbamptes gemonitor word. |
| 11. |
Prinsipale word vriendelik versoek om die inhoud van hierdie minuut onder die aandag van die skoolbestuurspan en die betrokke onderwysers te bring. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2012:12:07
|
 |