1. „n Beroepsbewustheidsweek word beplan vir 8 tot 12 Oktober 2012 om leerders se vermoë om ingeligte besluite oor hulle toekomstige beroepe te neem te verhoog. Dit is „n geleentheid vir Lewensoriënteringonderwysers om die "Werkwêreld"- afdeling van hulle sillabus af te handel.
2. Die teikengroep is leerders van die Senior Fase.
3. Die doel van die Beroepsbewustheidsweek is om leerders in graad 7 tot 9 bewus te maak van die belangrikheid om die regte vakke vir graad 10 te kies. Tydens hierdie week word skole aangemoedig om te fokus op aktiwiteite wat leerders sal help om ingeligte besluite oor hulle toekomstige loopbane te neem.
4. Die Lewensoriënteringonderwysers word aangemoedig om aktiwiteite wat op die wêreld van werk fokus, vir hierdie week te beplan.
5. Graad 7

Die graad 7-leerders kan fokus op „n weeklange projek wat moet kulmineer in „n beroepskleredragaktiwiteit. Dit beteken dat leerders te midde van hierdie fokus op hulle toekomstige beroepe na die skool toe mag kom in kleredrag wat hulle toekomstige beroepe simboliseer. Hierdie aktiwiteit behoort plaas te vind tydens die Lewensoriënteringperiodes.

6. Graad 8

Graad 8 leerders moet fokus op beroepsaktiwiteite wat hulle in staat sal stel om hulle eie sterk punte, talente, beperkings en vermoëns in spesifieke vakke te herken. Sien Bylae A vir „n paar idees.

7. Graad 9

Die WKOD is van voorneme om `n steekproef van 98 skole met graad 9- leerders te neem en te fokus op hul gereedheid om hul vakke vir graad 10 te kies. Dit sal gedoen word met behulp van `n Beroep-selfverkenningsvraelys (Pace Career Centre) wat leerders sal help om hul moontlike toekomstige beroepe te verken. Hierdie vraelys sal vir hulle sowel as hul onderwysers en ouers, `n idee gee van hul sterkpunte en hul aanleg tot `n spesifieke studieveld en die toepaslike vakkeuses. Hierdie skole sal in kennis gestel word van die loodsprogram. Skole buite die loodsprogram moet dieselfde program volg as in graad 8. Vanaf 2013 sal daar van alle graad 9 leerders verlang word om die selfverkenningsvraelys te voltooi.

8. Indien u verdere inligting benodig oor hierdie kwessie, kontak asseblief mnr J Sitzer, Senior Beplanner: Lewensoriëntering by e-posadres: Joey.Sitzer@westerncape.gov.za of telefoonnommer 021 467 2199.
9. Bring asseblief die inhoud van hierdie minuut onder die aandag van alle betrokke personeellede.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2012:09:11

Bylae A: Lewensoriëntering (AOO) – idees vir graad 7 tot 9 Beroepsbewustheidsweek  (grootte: 27 KB)