| 1. |
As gevolg van 'n hofinterdik het die Engelse weergawe van die graad 11 Rekeningkundehandboeke nie in die 2013 Nasionale Katalogus verskyn nie. |
| 2. |
Daar is dus 'n moontlikheid dat hierdie handboeke nie betyds verkry kan word om skole te bereik voor hulle in Januarie 2013 open nie. |
| 3. |
Daar moet nie toegelaat word dat hierdie vertraging met die verkryging van die Engels Rekeningkunde-handboeke die onderrig in Rekeningkunde-klasse affekteer nie. |
| 4. |
Indien skole in Januarie 2013 open sonder graad 11 Engels Rekeningkunde-handboeke, moet voortgegaan word met die huidige graad 11 Engels Rekeningkunde-handboeke. Alhoewel die huidige handboeke nie in lyn is met KABV nie, dek dit die meeste van die KABV-inhoud en die verskil tussen die huidige en die KABV-kurrikulum is onbeduidend. Onderwysers moet egter daarop let dat die module oor rekonsiliasie, wat in die eerste drie weke van die eerste kwartaal behandel word, 'n klein afdeling bevat, nl. Krediteure-rekonsiliasie, wat tans nie in graad 11 behandel word nie. |
| 5. |
Die nasionale Departement van Basiese Onderwys het dus onderneem om provinsies te voorsien van bronmateriaal oor krediteure-rekonsiliasie, en die WKOD sal dit druk en versprei onder skole voor hulle in Desember 2012 sluit. Hierdie materiaal kan dan gebruik word indien skole in Januarie 2013 sonder die KABV Rekeningkunde-handboeke in Engels vir graad 11, open.
|
| 6. |
Prinsipale word vriendelik versoek om die inhoud van hierdie minuut onder die aandag te bring van alle Rekeningkunde-onderwysers en om te verseker dat die onderrig van Rekeningkunde in graad 11 nie geaffekteer word deur enige vertraging in die lewering van Rekeningkunde-handboeke nie. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2012:09:06
|
 |