1. Die Wes-Kaap Onderwysdepartement (WKOD) beoog (i) om die getal leerders wat Wiskunde neem, te verhoog, (ii) leerders wat Wiskunde neem te behou, en (iii) leerderprestasie in Wiskunde te verbeter. Verskillende strategieë is ontwerp om hierdie drie mikpunte te bereik. Een hiervan is om insentiewe te verskaf aan skole wat tot die bereiking van hierdie 3 doelwitte in die VOO-fase bydra.
2. Dinaledi Hoof- en Insentiewe skole wat 'n verbetering toon in leerdergetalle, retensie en prestasie in Wiskunde in die VOO-fase sal 'n kontantprys ontvang. Die toegekende bedrae wat hier onder aangedui word, hang af van die getal skole en leerders wat kwalifiseer. Die beskikbare begroting sal finaal toegeken word sodra die kwalifiserende skole en leerders bekend is. Toekennings sal op die volgende kriteria gebaseer word:

(i) Groter getal leerders wat Wiskunde neem
'n Toename van meer as vyf leerders in die getal leerders wat die VOO-fase betree en Wiskunde neem, in vergelyking met die vorige jaar se graad 10- inskrywing, sal as volg beloon word:

0 tot 5 leerders
6 tot 10 leerders
11 tot 20 leerders
21 tot 30 leerders
Meer as 30 leerders		 Geen toekenning
R5 000
R7 000
R9 000
R10 000

(ii) Retensie van leerders wat Wiskunde aanbied
Wat betref die retensie van leerders wat Wiskunde in die VOO-band aanbied oor 'n periode van drie jaar, sal die insentiewe gebaseer wees op die getal leerders wat Wiskunde in die finale graad 12-eksamen in 2012 aflê, in vergelyking met die getal wat Wiskunde in graad 10 in 2010 geneem het. Die toekennings sal volgens die skaal hieronder bepaal word.

50% - 60%
61% -70%
71% - 80%
81% - 90%
91% - 99%
100% of meer leerders		 R3 000
R4 000
R10 000
R13 000
R18 000
Bonus van R20 000

(iii) Verbeterde prestasie in Wiskunde
'n Toename van meer as vyf leerders in die getal leerders wat 'n 50% slaagsyfer in Wiskunde in die 2012 graad 12-eindeksamen behaal. Die toekennings sal as volg gemaak word:

0% toename in getal leerders wat 50%+ behaal
1% toename in getal leerders wat 50%+ behaal
2% toename in getal leerders wat 50%+ behaal
3% toename in getal leerders wat 50%+ behaal
Meer as 3% toename in getal leerders wat 50%+ behaal		 Geen toekenning
R3 000
R6 000
R9 000
R10 000
3. Dinaledi Hoof- en Insentiewe skole word aangemoedig om alles moontlik te doen om die WKOD te help om die bogenoemde doelwitte te bereik.
4. Bring asseblief die inhoud van hierdie minuut onder die aandag van alle betrokkenes.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM-EN ASSESSERINGSBESTUUR
DATUM: 2012:09:06