| 1. |
Aan die begin van die 2012 akademiese jaar, het die nasionale Departement van Basiese Onderwys (DBO) graad R tot 9-werkboeke, graad 10 tot 12 Wiskunde- en Fisiese Wetenskappe-handboeke sowel as KABV-dokumente aan alle openbare skole verskaf. |
| 2. |
'n Amptelike brief, gedateer 14 Desember 2011, is aan alle prinsipale van openbare skole gestuur wat genoem het dat werkboeke en handboeke kernbronne is en daagliks in die klaskamer gebruik moet word om take wat op die lesse wat onderrig is, gebaseer is, te voltooi. Dit is egter duidelik uit moniterende verslae wat ontvang is, dat sommige skole nog nie die doel of die waarde van hierdie bronne wat aan hulle verskaf is, besef het nie. |
| 3. |
Alle distrikte en skole moet op die volgende let:
- Dit sou nuttig wees vir alle openbare skole om die werkboeke, handboeke en KABVdokumente wat deur die DBO verskaf is, te gebruik.
- Dit sou ook van waarde wees om al die take in die werkboeke (Boek 1 en 2) te voltooi voor die eindeksamen geskryf word.
- Werkboeke vir graad R tot 9 word gratis verskaf aan alle leerders in alle openbare skole.
- Die Fisiese Wetenskappe- en Wiskunde-handboeke is aan alle skole vir graad 10 tot 12 verskaf en bevat baie oefeninge wat in alle klaskamers gedoen behoort te word.
- Die werkboeke en graad 10 tot 12-Fisiese Wetenskappe- en Wiskunde-handboeke kan ook afgelaai en gelees word op rekenaars en selfone.
|
| 4. |
Kurrikulumadviseurs sal onderwysers monitor en lei aangaande die gebruik van hierdie bronne wat deur die DBO verskaf is. |
| 5. |
Bring asseblief die inhoud van hierdie minuut onder die aandag van al u onderwysers. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2012:06:19
|
 |