| 1. |
Die Wes-Kaap Onderwysdepartement (WKOD) gaan voort met sy vennootskap met die Universiteit van Stellenbosch om TV-uitsendings direk na 146 geselekteerde skole uit te send. |
| 2. |
Al 146 skole sal leerderondersteuningsmateriaal ontvang. (Sien lys van skole in die aangehegte Bylae A.) |
| 3. |
Telematiese onderrig is nie bedoel om normale onderrig te vervang nie. Dit is eerder gemik op die skep van ‘n virtuele leeromgewing om leeraktiwiteit in graad 11 en 12 te ondersteun en te bevorder. |
| 4. |
Die volgende vakke sal lewendig uitgesaai word op bepaalde tye: Wiskunde, Fisiese Wetenskappe, Lewenswetenskappe, Rekeningkunde en Engels Eerste Addisionele Taal en Huistaal, Afrikaans Eerste Taal en Huistaal en Geografie. (Sien uitsaairooster in die aangehegte Bylae B.) |
| 5. |
Graad 11- en 12 leerders en onderwysers by die 146 skole sal tydens die uitsendings in staat wees om met die aanbieder in die ateljee te kommunikeer deur middel van die Internet of ‘n selfoon. Leerders sal ook agterna vrae kan stel aan die aanbieder. Al die deelnemers sal toegang hê tot die vrae en antwoorde. |
| 6. |
Die aanbieders is leidende WKOD-onderwysers wat gekies is vir hulle kundigheid in hulle vakke. |
| 7. |
Vakonderwysers by elke skool moet die leerproses bestuur, moniteer en fasiliteer terwyl leerders na skool besig is om na die lesse te kyk. |
| 8. |
Aangesien lesse na skoolure deur die week en op Sondae aangebied word, is dit uiters noodsaaklik dat prinsipale reëlings met ouers van graad 11- en 12 leerders asook met hulle beheerliggame sal bespreek. |
| 9. |
Leerder sal nie die enigste bevoordeeldes wees van hierdie program nie. Indien die program goed bestuur word, sal sowel die skool as die gemeenskap voordeel daaruit trek. |
| 10. |
Hierdie program sal op ‘n gereelde basis deur Hoofkantoor- en distriksbeamptes gemoniteer word. |
| 11. |
Van prinsipale sal verwag word om weekliks verslag te doen van bywoning deur leerders, sowel as van die uitdagings of suksesse van die program. |
| 12. |
DVDs van die uitsendings sal voor die eksamen vir hersieningsdoeleindes aan skole gestuur word. |
| 13. |
Indien u enige navrae het oor hierdie inisiatief, neem vrymoedigheid om vir Walter Mercuur te skakel by tel. 021 467 2630 of e-posadres Walter.Mercuur@pgwc.gov.za |
| 14. |
Ons sien daarna uit om saam met u hierdie interessante projek mee te maak. |
| 15. |
Prinsipale word versoek om die inhoud van hierdie minuut onder die aandag van alle betrokke personeel, graad 11- en 12 leerders en hulle ouers te bring. |
GETEKEN: SM NAICKER
WAARNEMENDE ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2012:04:02
|
 |