1. Hierdie minuut volg op Omsendbrief 0015/2012 wat die datum vir die administrasie van die algemene assesseringstaak (AAT) vir Lewensoriëntering as 7 September 2012 aangekondig het. Die omsendbrief het genoem dat skole wat die assessering op 7 September 2012 wil skryf die taak mag insluit as deel van hulle skoolgebaseerde assessering.

2. Die doel van hierdie minuut is om skole wat die AAT sal aflê in te lig van die prosedure wat gevolg sal word met die administrasie van die AAT vir Lewensoriëntering.

3. Die datum vir die aflê van die AAT bly 7 September 2012 van 09:00 tot 10:30 en daar word van skole verwag om die AAT vir Lewensoriëntering af te lê soos voorgeskryf is in hierdie minuut.

4. Die Lewensoriëntering-AAT sal bestaan uit 'n vraestel van 1½ uur met 'n totale punt van 75. Dit mag Taak 4 in die graad 12-Lewensoriëntering-assesseringsprogram, wat geskeduleer is om in kwartaal 3 geskryf te word, vervang, en sal 20% van die totale punt vir Lewensoriëntering uitmaak.

5. Die voorbeeld, sowel as die assesseringsriglyne wat die omvang en dekking van die AAT bepaal, is alreeds in Mei 2012 aan skole versend.

6. Die Wes-Kaap Onderwysdepartement (WKOD)sal die druk en verspreiding van die AAT na alle skole behartig. 7. 8. 9. 10.

7. Die aflê van die Algemene Assesseringstaak
7.1 Die prinsipaal moet volle verantwoordelikheid neem as hoofopsiener en seker maak dat die reëls vir die Nasionale Senior Sertifikaat-eksamen nagekom word.
7.2 Prinsipale moet koeverte oopmaak in die teenwoordigheid van die leerders en toesig hou oor die uitdeel van die vraestelle.
7.3 Prinsipale moet seker maak dat die opsieners waaksaam is gedurende die afneem van die AAT.
7.4 Na die afneem van die AAT, moet die skrifte verseël word in die sak wat daarvoor voorsien is en terugbesorg word aan die prinsipaal vir veilige bewaring

8. Nasienriglynbespreking
8.1 Nasionale en provinsiale besprekings oor die nasienriglyne sal plaasvind in die periode 9 tot 12 September 2012.
8.2 Die finale nasienriglyn sal aan skole gestuur word teen 14 September 2012.

9. Die nasien van die Algemene Assesseringstaak
9.1 Die nasien van die AAT sal op skoolvlak geskied onder toesig van die skoolhoof, met die senior onderwyser of departementshoof (DH) wat waarneem as interne moderator.
9.2 Die nasienwerk moet op 14 September 2012 'n aanvang neem en moet afgehandel wees teen 21 September 2012.
9.3 Skrifte mag net deur die prinsipaal uit die kluis verwyder word op die dag dat die nasienwerk begin.
9.4 Waar daar meer as een onderwyser vir Lewensoriëntering by die skool is, moet asseblief seker gemaak word dat onderwysers nie die skrifte van hulle eie leerders nasien nie.

10. Skool- en distriksmoderering van skrifte
10.1 Die AAT behoort op skool-vlak gemodereer word.
10.2 Die Prinsipaal moet seker maak dat ten minste 10% van die nagesiende skrifte gemodereer word deur die senior onderwyser of die DH.
10.3 Nadat die skrifte gemodereer is, moet die punte op die punteblad wat aan die skool verskaf is, aangeteken word.
10.4 Die vakadviseur vir Lewensoriëntering in die onderwysdistrik kan 'n monster van skrifte van sekere skole modereer. 'n Monster van 10% per klas word aanbeveel.

11. Vaslegging van punte vir die Algemene Assesseringstaak
11.1 'n Spesiale punteblad sal aan skole voorsien word vir die vaslegging van die punte vir die AAT.
11.2 Die punteblaaie moet na die WKOD toe gestuur word met die ander SGA-punte.

12. Prinsipale word vriendelik versoek om die nodige reëlings te tref vir die afneem van hierdie assessering.

13. Skole wat graag die AAT vir Lewensoriëntering wil aflê, word versoek om die aangehegte antwoordstrokie in te vul en dan te faks na mnr A Jantjies by 021 467 9370 teen nie later nie as 20 Augustus 2012.

14. Bring asseblief hierdie inligting onder die aandag van alle onderwysers en leerders van Lewensoriëntering.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2012:08:10

Algemene Assesseringstaak (AAT) vir Lewensoriëntering - Antwoordvorm  (grootte: 51 KB)