1. Ter voorbereiding vir die Jaarlikse Nasionale Assesserings (JNA’s) wat van 18 tot 21 September 2012 afgelê gaan word, het die nasionale Departement van Basiese Onderwys (DBO) voorbeeldvraestelle saamgestel in Taal en Wiskunde vir graad 4 tot 6 wat deur onderwysers in alle skole gebruik moet word.
2. ‘n CD, wat die Wiskunde-toetsvoorbeelde vir die Intermediêre Fase bevat oor werk wat gedek moet word in die eerste drie skoolkwartale van die jaar, en Taaltoetsvoorbeelde vir die Intermediêre Fase oor werk wat in die eerste kwartaal van die jaar gedoen moet word is aangestuur na die assesseringskoördineerders in die onderwysdistrikte. Skole word versoek om die CD’s van die assesseringskoördineerders in die onderwysdistrikte te kry.
3. Voorbeelde vir die Grondslagfase en graad 9, sowel as die oorblywende voorbeelde van die Intermediêre Fase sal aan skole voorsien word sodra dit van die DBO ontvang is.
4. Kurrikulumdeskundiges en vakadviseurs op provinsiale en distriksvlakke moet onderwysers help om die voorbeelde te gebruik om die selfvertroue van hulle leerders te ontwikkel na gelang hulle reageer op die verskillende soorte vrae wat in die JNA's gestel word.
5. Onderwysdistriksbeamptes en prinsipale word vriendelik versoek om te let op die inhoud van hierdie minuut.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2012:05:08