1. Die Jaarlikse Nasionale Assesserings (JNA’s) sal afgeneem word van 18 tot 21 September 2012. Die Wes-Kaap Onderwysdepartement (WKOD) sal die JNA’s druk en onder alle openbare en staatsondersteunde skole versprei. Om te verseker dat elke leerder ‘n toets ontvang in die korrekte graad en taal van leer en onderrig (TLO), is dit belangrik dat die registrasie van leerders in graad 1 – 6 en graad 9 akkuraat ingesleutel word op die Gesentraliseerde Onderwysbestuursinligtingstelsel (SOBIS) en die Geïntegreerde Skooladministrasiestelsel GSAS).

2. Skoolhoofde kon toegang verkry het tot die reeds ingevulde JNA-leerderregistrasievorms vanaf 29 Februarie 2012, en is versoek om die JNA leerderregistrasie-inligting te verifieer en af te teken teen 23 Maart 2012.

3. Dit het onder die aandag gekom van die WKOD dat alle JNA-leerderregistrasieblaaie nie die korrekte inligting weerspieël nie en dus bygewerk moet word. Ten opsigte van die taaltoetse moet van die volgende belangrike inligting kennis geneem word.
3.1 Die JNA sal geskryf word in die TLO van die leerder. Die taalvlakke van die assesserings word verduidelik in 3.1.1 en 3.1.2:
3.1.1 Taalvlakke van assesserings in die Grondslagfase (Graad 1 – 3)

Huistaal Taal van leer en onderrig Taalvlak van JNA
Xhosa Xhosa Xhosa Huistaal
Afrikaans Afrikaans Afrikaans Huistaal
Engels Engels Engels Huistaal

In die Grondslagfase sal toetsing op Huistaalvlak plaasvind.

3.1.2 Taalvlak van assessering in graad 4 – 6 en 9

Leerders in graad 4 – 6 en 9 sal geassesseer word in Engels of Afrikaans (óf op Huistaalvlak óf Eerste Addisionele taalvlak) soos hieronder verduidelik:

Huistaal Eerste Addisionele Taal TLO (Taal van leer en onderrig) Taalvlak van JNA
Engels Xhosa Engels Engels Huistaal
Afrikaans Engels Afrikaans Afrikaans Huistaal
Xhosa Engels Engels Engels EAT
Engels Afrikaans Engels Engels Huistaal
Xhosa Afrikaans Afrikaans Afrikaans EAT
3.2 'n Nuwe verslag sal op SOBIS beskikbaar word onder die Assessments/JNA-kieslys en dit sal die TLO per klas aandui. Vir die ISAMS skole om die ANA verifieringsproses te voltooi moet die skakel op die voorblad van ISAMS gevolg word. Hierdie tweede verslag moet deur die graadhoof geverifieer word en afgeteken word deur die prinsipaal teen 10 Mei 2012.
3.3 Dit is baie belangrik aangesien die inligting gestuur sal word na die Departement van Basiese Onderwys en ook vir druk- en verspreidingsdoeleindes van JNA’a na skole gebruik sal word.

4. Die JNA sal afgelê word deur leerders wat die Nasionale Kurrikulumverklaring volg. Skoolhoofde wat leerders met spesiale onderwysbehoeftes het wat die JNA aflê, moet die primêre gestremdheid van elkeen van hierdie leerders op die aanvulblad vir leerders (Learner Update Sheet) bevestig. Vir leerders wat nuwe of ongedokumenteerde spesiale onderwysbehoeftes het, moet die hoof ‘n aansoek indien by die onderwysdistrik se Spesialeonderwysbehoeftes-adviseur wat hierdie versoeke teen 14 Mei 2012 sal prosesseer.

5. Die Administrasieontwikkelingsadviseur in die onderwysdistrik sal met alle skoolhoofde in verbinding tree en die vordering met die leerderregistrasie vir die JNA’s moniteer.

6. Die finale verifikasie van leerders sal gedoen word deur skoolhoofde teen 10 Mei 2012. Die finale JNA-registrasie-inligting sal daarna op die nasionale stelsel gelaai word. Skoolhoofde word versoek om die finale dokument uit te druk en te onderteken en aan die assesseringskoördineerder in die onderwysdistrik voor te lê teen 14 Mei 2012.

7. Prinsipale van onafhanklike skole wat deur die WKOD gesubsidieer word, word versoek om die aangehegte antwoordstrokie te voltooi en dit te faks na mev S Gqotso by 021 467 9370 teen nie later nie as 14 Mei 2012.

8. Onderwysdistriksbeamptes en skoolhoofde word vriendelik versoek om te let op die inhoud van hierdie minuut.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2012:05:03

Onafhanklike skole terugvoerstrokie  (grootte: 61 KB)