1. Die Regulasies Betreffende die Afneem, Administrasie en Bestuur van Assessering vir die Nasionale Senior Sertifikaat maak voorsiening vir kandidate wat die Nasionale Senior Sertifikaat (NSS)-eksamen as óf voltydse óf deeltydse kandidate geskryf het, en wat nie aan die minimum vereistes vir die NSS voldoen het nie, om die eksamen(s) in een of meer vakke te herhaal.
2. Hierdie minuut moet saamgelees word met Assesseringsbestuursminuut 0002/2010, wat gehandel het oor omstandighede waaronder herhalerkandidate Nasionale Senior Sertifikaat-eksamenvakke (NSS-vakke) kan aanbied nadat hulle ‘n NSS-eksamen vooraf geskryf het.
3. Hierdie minuut dien as wysiging van paragraaf 5.1 van Assesseringsbestuursminuut 0002/2010, wat die getal vakke beperk wat ‘n kandidaat wat alreeds die NSS-eksamen geslaag het, mag aanbied. Hierdie kandidate kan nou vir enige getal vakke inskryf wat hulle in die NSS-eksamen wil skryf. Hulle is egter nog verplig om te voldoen aan al die vereistes vir elke vak, wat insluit die toepaslike skoolgebaseerde assessering en/of praktiese take vir graad 12.
4. Prinsipale word vriendelik versoek om die inhoud van hierdie minuut onder die aandag van alle betrokkenes te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2012:03:19