| 1.1 |
Hierdie minuut vervang Assesseringsbestuursminuut 0016/2010, en dien om 'n verduideliking te gee van die Nasionale Beleid betreffende die Program- en Bevorderingsvereistes van die Nasionale Kurrikulumverklaring, graad R – 12, wat die bestuur van vakveranderinge in Graad 10, 11 en 12 van 2013 en verder bepaal. |
| 1.2 |
Die proses vir alle vakveranderings in Graad 10 tot 12 moet ingesluit word in die skool se assesseringsbeleid. Enige vakverandering in Graad 12 moet vermy word, tensy dit absoluut noodsaaklik en in die beste belang van die betrokke leerder is. |
| 1.3 |
Die Wes-Kaap Onderwysdepartement (WKOD) is daartoe verbind om te verseker dat die beleid aangaande vakveranderings en die finalisering van die NSS-eksamenregistrasies jaarliks voor 15 Maart gefinaliseer word. |
| 1.4 |
Prinsipale word versoek om aan die begin van elke jaar te verseker dat alle Graad 10-, 11- en 12-leerders korrek geregistreer is op die Sentrale Onderwysbestuursinligtingstelsel (SOBIS). |
| 2. |
Graad 12 vakveranderings |
| 2.1 |
In uitsonderlike gevalle mag 'n leerder een vak in Graad 12 verander, op voorwaarde dat dit gedoen word voor 31 Januarie elke jaar. |
| 2.2 |
Die aansoek om die vakverandering in Graad 12 moet aanlyn gedoen word op die SOBIS en die volgende dokumente moet gestuur word via die assesseringskoördineerder by die distrikskantoor, aan die Direktoraat: Assesseringsbestuur, gemerk vir die aandag van: A Jantjies, Kamer 5-30: |
| 2.2.1 |
'n Motiveringsbrief van die leerder se ouer of voog |
| 2.2.2 |
'n Brief van die prinsipaal, wat óf die verandering ondersteun, óf redes verskaf waarom hy/sy dit nie ondersteun nie. |
| 2.2.3 |
'n Brief van die vakonderwyser, wat die program uiteensit wat gevolg moet word om die leerder by te staan om daardie aspekte van die kurrikulum vir die vorige graad wat nie voltooi is nie, te dek. |
| 2.3 |
Die Wes-Kaap Onderwysdepartement (WKOD) is ook besorg oor die getal Graad 12 versoeke om vakveranderings elke jaar, veral van Wiskunde na Wiskundige Geletterdheid. In die meeste gevalle is hierdie versoeke die gevolg daarvan dat vakveranderings nie op die SOBIS tydens leerders se Graad 10- en 11-jaar bygewerk is nie. |
| 3. |
Graad 10- en 11-vakveranderings |
| 3.1 |
Vanaf 2013 is die sluitingsdatum vir die indien van aansoeke om vakveranderinge in Graad 10, 31 Julie van elke jaar. 'n Maksimum van twee vakveranderinge word toegelaat. |
| 3.2 |
Vanaf 2013 sal die sluitingsdatum vir vakveranderinge in Graad 11, 28 Februarie wees van elke jaar. 'n Maksimum van twee vakveranderinge word toegelaat. |
| 3.3 |
'n Vakverandering in Graad 10 en 11 is onderworpe aan die goedkeuring van die prinsipaal van die skool waar die leerders geregistreer is. Skole moet hulle vakveranderings op die SOBIS-stelsel aanbring sodra die prinsipaal goedkeuring verleen het. Skole moet alle dokumentêre bewyse vir elke aansoek, soos in 2.2 hierbo verduidelik is, bekom, en in die geval van Graad 11 moet die bewyse gestuur word aan die assesseringskoördineerder by die distrikskantoor. |
| 3.4 |
Prinsipale moet die registrasieskedules vir Graad 10 en 11 op SOBIS teen 31 Augustus van elke jaar afteken. 'n Kopie van die Graad 10- en 11-SOBIS-registrasieskedules moet voorgelê word voor die einde van die derde kwartaal aan die IBB-bestuurder. |
| 3.5 |
Wanneer IBB-bestuurders skole vir vordering en bevordering tydens die vierde kwartaal besoek, moet hulle seker maak dat die bevorderingskedules vir Graad 10 en 11 in elke skool ooreenstem met die SOBIS-registrasies van die skool. Prinsipale moet dus ook IBB-bestuurders gedurende hulle besoeke van 'n lys van Graad 10- en 11-SOBIS-registrasies voorsien. |
| 4. |
Vakveranderingversoeke en skoolgebaseerde assesseringsvereistes |
| 4.1 |
Skoolhoofde word versoek om kennis te neem dat die Graad 10 tot 12-leerders van 2013 ten volle aan die SGA-vereistes van die nuwe vak moet voldoen. |
| 4.2 |
Dit is belangrik dat die prinsipale behoorlike leiding verskaf aan kandidate en ouers ten opsigte van vakveranderings. |
| 5. |
'n Leerder in Graad 10, 11 of 12 wat leerprobleme ervaar as gevolg van 'n vakverandering kan nie die WKOD verantwoordelik hou vir die vakverandering nie. |
| 6. |
Prinsipale en onderwysdistriksbeamptes word vriendelik versoek om die inhoud van hierdie minuut onder die aandag van hulle personeel, ouers en leerders te bring. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2012:11:12
|
 |