| 1.1 |
Behoorlike bestuur en administrasie van eksamens by alle inrigtings is noodsaaklik om die integriteit en geloofweaardigheid van die eksamenuitslae te verseker. Ingevolge nasionale en provinsiale beleide, sowel as die Regulasie vir die Afneem, Administrasie en Bestuur van Assessering vir die Nasionale Senior Sertifikaat (NSS) is skoolhoofde verantwoordelik vir alle eksamens wat by hulle skole geskryf word. |
| 1.2 |
Terwyl ons nie verwag dat die skryf van eksamens van die NSS of BOOV Vlak 4 in 2012 ontwrig sal word nie, is dit noodsaaklik dat 'n omvattende risikobestuursplan deur elke inrigting ontwikkel word om enige ontwrigting wat die bestuur en afneem van hierdie eksamens mag beïnvloed, die hoof te bied. |
| 2. |
Gebeurlikheidsplan om met noodgevalle te handel |
| 2.1 |
Aangesien soorte noodgevalle wissel, het die Wes-Kaap Onderwysdepartement (WKOD) die volgende prosedure ontwikkel met die oog op die hantering van situasies waar dit nodig is om die gevolge van 'n ontruiming as gevolg van 'n noodtoestand tot die minimum te beperk. Dit is noodsaaklik dat alle inrigtings wat kandidate voorberei vir eksamens dieselfde basiese prosedure sal volg. |
| 2.1.1 |
Indien 'n noodgeval plaasvind voor die kandidate begin eksamen skryf, moet hulle nie die eksamenlokaal/-lokale betree sonder dat hulle gevra word om dit te doen nie. Hulle moet egter weggehou word van ander groepe leerders en onder streng toesig gehou word.
|
| 2.1.2 |
Indien 'n noodtoestand voorkom terwyl kandidate besig is om te skryf, en indien dit absoluut noodsaaklik is om die lokaal waar eksamen geskryf word, te ontruim, moet die kandidate die volgende instruksies ontvang:
- Om alle boeke toegemaak op hulle tafels te los
- Om een kamer op 'n keer, onder konstante toesig van die opsiener(s) en hoofopsiener, en onder die oorhoofse beheer van die prinsipaal te verlaat. Addisionele onderwysers (nie diegene wie se vakke geskryf word nie) mag gevra word om te help met die toesig van die kandidate.
- Om nie met mekaar op enige manier te kommunikeer nie
- Om geen boeke of papiere, ens. by hulle te hê nie
- Om geen selfone by hulle te hê nie
- Om in stilte in 'n geskikte plek op die terrein te sit, weg van mekaar om enige kommunikasie te verhinder
- Om in stilte na die eksamenlokaal/-lokale terug te keer wanneer hulle verlof kry om dit te doen en om voort te gaan om te skryf waar hulle opgehou het.
|
| 2.1.3 |
Kandidate moet na hulle terugkeer 'n aanduiding ontvang van die tyd wat hulle het om die vraestel te voltooi, d.w.s. die totale tyd vir die vraestel minus die tyd wat reeds gebruik is voordat die ontruiming plaasgevind het. |
| 2.2 |
Die prinsipaal, hoofopsiener en ander opsieners moet te alle tye in beheer van die kandidate wees. Elke toesighouer moet verantwoordelik wees vir sy of haar groep kandidate. |
| 2.3 |
In die geval van 'n ontruiming, moet die kringspanbestuurder of distriksdirekteur onmiddellik in kennis gestel word van die insident. Die kringspanbestuurder of 'n ander afgevaardigde beampte van die onderwysdistrikskantoor sal poog om die skool onmiddellik te besoek om hom/haar te vergewis van die prosedures wat deur die skool gevolg word. Die gemagtigde beampte van die distrikskantoor moet die situasie noukeurig monitor van die tyd dat hy of sy by die skool aankom. |
| 2.4 |
Versuim om die ontruiming te doen volgens die vaste prosedures sal die geloofwaardigheid van die eksamen in die gedrang bring en kan daartoe lei dat alternatiewe reëlings getref moet word soos die herskedulering van die eksamen op 'n later datum. |
| 2.5 |
Prinsipale moet kandidate inlig aangaande die skool se gebeurlikheidsplan vir ontruiming en van die ernstige gevolge indien so 'n ontruiming nie ooreenkomstig die beleid uitgevoer word nie. |
| 2.6 |
In die onwaarskynlike geval dat 'n nasionale of provinsiale eksamen oorgeskryf moet word, sal die WKOD alle prinsipale onmiddellik in kennis stel na die besluit geneem is. |
| 3.1 |
Prinsipale moet gebruik maak van die meegaande kontrolelys om hulle te help om potensiële risiko’s vir die doeltreffende afneem van die eksamens te identifiseer en om hulle risikobestuursplan ooreenkomstig te ontwikkel. |
| 3.2 |
Enige ontwrigting van die eksamenproses of die oopmaak van die verkeerde vraestel moet onmiddellik gerapporteer word aan een van die volgende WKOD-beamptes:
| Me Z. Modimakwane, tel 021 467 2057 , of selnommer 071 683 6286 |
| Mnr AP Clausen, tel 021 467 2945, of selnommer 082 773 9980 |
| Me T Singh, tel 021 467 2541, of selnommer 084 312 8333 |
| Mnr BK Schreuder, tel 021 467 2518, of selnommer 082 373 5989 |
|
| 4. |
Die WKOD wens u alles van die beste toe vir die komende eksamen.
|
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2012:10:15
|
 |