| 1. |
Die Wes-Kaap Onderwysdepartement (WKOD) bedank alle beamptes by skole en distrikskantore vir die reuse poging wat aangewend is om die Jaarlikse Nasionale Assesserings (JNA) te bestuur, af te neem en na te sien. |
| 2. |
Die Departement van Basiese Onderwys (DBO) het die WKOD versoek om seker te maak dat alle ouers van leerders in graad 1 tot 6 en graad 9 voorsien word van 'n verslag van hulle kind se prestasie in die 2012 JNA. Die punt wat deur die skool toegeken is, soos per die duplikaat punteblad, moet gebruik word om aan ouers te rapporteer.
|
| 3. |
Prinsipale word versoek om te verseker dat die leerderverslag, wat op SOBIS/iSAMS beskikbaar sal wees teen 15 Oktober 2012, vir elke leerder wat die JNA geskryf het, voltooi word. Hierdie verslag moet aan ouers gestuur word teen 26 Oktober 2012. 'n Kopie van die verslagvorm is by hierdie minuut aangeheg. |
| 4. |
Die WKOD het waardering vir die werk wat deur onderwysers en prinsipale gedoen is t.o.v. die aanbieding en nasien van die JNA en versoek dat skole die JNA-uitslae ontleed en dit gebruik om onderrig en leer te versterk. |
GETEKEN: PENNY VINJEVOLD
HOOF: ONDERWYS
DATUM: 2012:09:28
|
 |