1. Inleiding
1.1 Skole is in kennis gestel van die Jaarlikse Nasionale Assesserings (JNA) wat geskryf sal word deur graad 1 tot 6 en 9 leerders by openbare gewone, staatsbefondsde onafhanklike en sommige spesiale skole deur Assesseringsbestuursminuut 0001/2012: Jaarlikse Nasionale Assesserings wat in 2012 afgeneem gaan word.
1.2 Die doel van hierdie minuut is om riglyne te verskaf vir die bestuur, afneem en administrasie en nasien van die Jaarlikse Nasionale Assesserings.

2. Prosedures voor die afneem van die Jaarlikse Nasionale Assesserings
2.1 Registrasie van leerders
2.1.1 Skole is versoek om te verseker dat alle leerders volkome korrek geregistreer is op die Sentrale Onderwysbestuursinligtingstelsel (SOBIS). Hierdie registrasie sal verseker dat leerders hulle toetse in die korrekte vak, graad en taal van leer en onderrig (TLO) aflê.
2.1.2 Enige teenstrydighede wat gevind word op die leerderregistrasie op SOBIS moet aan die skool se onderwysdistrik-assesseringskoördineerder gerapporteer word voor 7 September 2012.
2.1.3 Toetsvraestelle sal verpak en afgelewer word ooreenkomstig die SOBIS-leerderdata. Skole sal verantwoordelikheid neem vir enige tekorte op die dag waarop die JNA.s geskryf word.
2.2 Ontvangs, kontrolering en bewaring van die JNA-toetsmateriaal
2.2.1 Die JNA-toetse sal aan skole gelewer word teen 13 September 2012.
2.2.2 Die prinsipaal en adjunkprinsipaal moet die inhoud verifieer om te bevestig dat die skool die korrekte getal toetse in die korrekte taal van leer en onderrig (TLO) ontvang het. Slegs die buitenste sakke mag gekontroleer word. Die sakke wat die JNA-toetse bevat, mag nie oopgemaak word nie.
2.2.3 Die toetse sal aan skole afgelewer word per graad en die houers vir elke graad sal deur .n kleurgekodeerde plakker geidentifiseer word. Die grade sal as volg aangedui word:

Graad 1 Geel
Graad 2 Pienk
Graad 3 Blou
Graad 4 Rooi
Graad 5 Pers
Graad 6 Oranje
Graad 9 Groen
2.2.4 Die JNA-toetsbesending sal bestaan uit die houers van JNA-toetse, die JNA- antwoordstrokie, die CD wat deur 'n kodewoord beskerm word waarop die memorandums van al die grade gevind sal word, en die punteblaaie van die klasse wat die JNA aflê.
2.2.5 Die antwoordstrokie, met die opskrif Annual National Assessments Test Packing List moet gekontroleer word teenoor die inhoud van die houer(s), geteken en gefaks word na 021 461 5628, vir die aandag van me Bronwyn Calvert. Toetstekorte moet onmiddellik aan me Bronwyn Calvert by 021 467 2994 gerapporteer word of ge-e-pos word na Bronwyn.Calvert@westerncape.gov.za
2.2.6 Daarna moet die toetse gestoor word in 'n veilige plek wat slegs toeganklik is vir die prinsipaal. Toetse moet gestoor en verpak word in die chronologiese volgorde waarop dit geskryf word, om te verseker dat die toets op die korrekte dag geskryf sal word. Die prinsipaal/hoofopsiener moet seker maak dat alle toetspakke korrek bewaar word en verseël bly tot dit voor die leerders oopgemaak word op die dag waarop hulle dit skryf. As 'n veiligheidsmaatreël moet die plastieksakke waarin die toetse verpak is, nie oopgemaak word om die getal toetse te kontroleer nie. Kontroleer eerder die inhoud deur die getal toetse soos op die plakker gedruk, te verifieer.
2.2.7 Die memoranda op die kodewoordbeskermde CD sal op 'n daaglikse basis beskikbaar gestel word deur die assesseringskoördineerder en dit sal op die AOO-assesseringsbestuur-webtuiste geplaas word. Die kan verkry word deur op die volgende skakel te kliek: http://wced.school.za/home/home.html. Dan

  • kliek dan op "Teaching/Curriculum Support",
  • kliek op "Assessment Management",
  • kliek op "GET Assessment" en
  • kliek op "Annual National Assessments and Annual National Assessments 2012".
2.2.8 Die punteblaaie sal gebruik word vir die vaslegging van leerders se punte en sal help met die steekproefproses vir die hernasien van steekproefskrifte.
2.3 Toesig
2.3.1 Die prinsipaal sal dien as die hoofopsiener in sy of haar skool.
2.3.2 Die hoofopsiener moet verseker dat 'n toesigrooster opgestel word sodat onderwysers nie by klasse of vakke toesig hou vir wie hulle onderrig gee nie.
2.3.3 Graad 1- of 2-onderwysers moet oorkruis toesig hou aangesien die vrae aan leerders in hierdie klasse voorgelees moet word.
2.3.4 Onderwysers wat toesig hou by die JNA moet voorsien word van die aangehegte Bylae A: Onderwysersgids vir die Jaarlikse Nasionale Assessering, om te verseker dat elke onderwyser presies weet hoe om toesig te hou by die toegekende klas.
2.3.5 Opsieners moet vooraf ingelig word van die duur van elke toets. Die hoofopsiener moet verseker dat die gestipuleerde tye nagekom word.
2.4 Voorbereiding van die toetslokaal
2.4.1 Lokale waarin die JNA geskryf sal word moet ten minste een dag voor die aanvang van die JNA voorberei word.
2.4.2 Mure wat enige stof bevat wat leerders kan help, moet bedek word of die materiaal moet verwyder word.
2.4.3 Sitplekke in die lokaal moet sodanig gerangskik word dat leerders nie toegang tot mekaar se werk kan hê nie.

3. Prosedures op die dag waarop die JNA geskryf word
3.1 Die JNA.s sal afgeneem word vanaf 18 tot 21 September 2012.
3.2 Prinsipale word daaraan herinner dat hierdie dae gewone skooldae is en dat leer en onderrig onmiddellik moet hervat nadat die assesserings geskryf is.
3.3 Opsieners moet verseker dat die korrekte toetse aan die leerders uitgedeel word.
3.4 Opsieners moet voorsien word met die betrokke administratiewe inligting wat benodig word op die omslag van die toetsboek, soos byvoorbeeld die skool se OBIS-nommer van 9 syfers en die naam van die onderwysdistrik.
3.5 Leerders moet genoeg tyd kry om deur die voorafoefeninge te werk en die administratiewe inligting in te vul wat op die omslag van die toetsboek versoek word voor die JNA-toets begin.

4. Prosedure na die JNA’s geskryf is
4.1 Nasien
4.1.1 Alle skrifte van graad 1 tot 6 en 9 sal op skoolvlak nagesien word deur die vakonderwysers.
4.1.2 Alle nasienwerk moet voltooi wees teen 26 September 2012, en die punte moet op die voorbereide punteblaaie wat voorsien is, aangebring word.
4.1.3 'n Monster van 3 nagesiende skrifte per vak per klas moet gemodereer word deur die vakhoof vir elke graad en vak.
4.2 Gesentraliseerde hernasiening
4.2.1 'n Steekproef van drie (3) nagesiende skrifte per vak per klas per graad vir graad 3, 6 en 9 per skool sal hernagesien word deur onderwysers by sentrale lokale.
4.2.2 Besonderhede van hoe om die steekproewe te neem sal deur die assesseringskoördineerders in die onderwysdistrik verskaf word.
4.2.3 Sodra steekproewe uit die nagesiende skrifte geneem is, moet dit deur die prinsipaal na die onderwysdistrik gestuur word vir hernasiening teen 14:00 op 27 September 2012.
4.2.4 Die planne vir die afhaal van die steekproefskrifte van die skool sal deur die Onderwysdistrik voorsien word.
4.3 Verifikasie JNA (graad 3, 6 en 9)
4.3.1 Die onafhanklike agent sal die administrasie van die toetse by die nasionaalgeselekteerde skole monitor. 'n Steekproef van 25 skrifte per vak per graad van die nasionaal-geselekteerde skole sal deur die onafhanklike agent nagesien word.
4.3.2 Daar word versoek dat skole 'n kopie maak van die skrifte wat gesteekproef is deur die onafhanklike agent en die oorspronklike steekproefskrifte aan die onafhanklike agent voorlê op die dag van die toets. Die skrifte wat gekopieer is, moet op skoolvlak nagesien word en die punte op die punteblaaie aangebring word.
4.3.3 Skole sal deur die distrikskantoor ingelig word indien hulle skole vir JNA-verifikasie uitgesoek is.
4.4 Vaslegging
4.4.1 Die punte moet deur die onderwyser op die oorspronklike punteblaaie aangebring word.
4.4.2 Sodra die punte aangebring is, moet die punteblaaie gebruik word vir die willekeurige steekproefneming van skrifte wat hernagesien moet word in graad 3, 6 en 9.
4.4.3 Die klas se punteblaaie vir graad 3, 6 en 9 steekproefskrifte moet ook gefotokopieer word en met die betrokke klassteekproewe verpak word. Die steekproefskrifte saam met die punteblaaie moet voorgelê word aan die distrik teen 27 September 2012 teen 14:00.
4.4.4 Skole word versoek om 'n fotokopie van die hele stel punteblaaie te maak vir veilige bewaring deur die prinsipaal.
4.4.5 Al die oorspronklike punteblaaie moet in die koevert geplaas word wat verskaf is en wat met die steekproefskrifte op 27 September 2012 na die onderwysdistrik teruggestuur moet word.

5. Onreëlmatighede
5.1 Onreëlmatighede moet gerapporteer word aan die Assesseringskoördineerder in die onderwysdistrik. Die name en telefoonnommers van die assesseringskoördineerders verskyn hieronder:

Onderwysdistrik Assesseringskoördineerder Telefoonnommer
Onderwysdistrik Kaapse Wynland Me Jeannie Harker
Me Monica Stanley		 023 348 4604
023 348 4655
Onderwysdistrik Metro-Oos Mev Geraldine Kirchner 021 900 7085
Onderwysdistrik Metro-Sentraal Me Charmaine Pietersen 021 514 6968
Onderwysdistrik Metro-Noord Mnr Gladstone Foster 021 938 3027
Onderwysdistrik Metro-Suid Me Karen Dudley 021 370 2059
Onderwysdistrik Overberg Mnr Trevor de Bruyn 028 214 7364
Onderwysdistrik Weskus Me Gail Ahrends 021 860 1568
Onderwysdistrik Eden en Sentrale Karoo Me Lenise Hendricks 044 803 8316

6. Bring asseblief die inhoud van hierdie minuut onder die aandag van alle betrokke onderwysers.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2012:08:27

Bylae A: Onderwysersgids vir die Jaarlikse Nasionale Assessering  (grootte: 37 KB)