1. Die Kaapse Onderwys-en-leierskapinstituut (KOLI) sal gedurende die skoolkwartale en skoolvakansies van 2013 kursusse, konferensies en seminare soos gelys in Bylae A, B, C, D en E vir prinsipale, adjunkprinsipale, departementshoofde en onderwysers aanbied.

2. Distriksbeamptes moet onderwysers nomineer om KOLI-opleidingskursusse by te woon en die distriksdirekteur moet die nominasies onderteken voor dit aan KOLI voorgelê word. Onderwysers wat hierdie kursusse wil bywoon, word sterk aangeraai om via hulle onderwysdistriksbeamptes te registreer. (Sien Bylae F vir kontakbesonderhede van distriksbeamptes.)

3. Registrasie vir konferensies en seminare moet direk by KOLI gedoen word.

4. Aflosonderwysers sal as plaasvervangers deur die Wes-Kaap Onderwysdepartement (WKOD) aangestel word in die plek van onderwysers wat KOLI-kursusse tydens skoolkwartale bywoon, op voorwaarde dat

  • daar geen botallige onderwyser by die skool is nie;
  • die plaasvervangeronderwyser nie 'n onderwyser is wat deur die beheerliggaam besoldig word nie; en
  • die plaasvervangeronderwyser nie reeds vir 'n ander onderwyser instaan nie.
5. Dit is die verantwoordelikheid van die skool om 'n geskikte plaasvervanger vir 'n onderwyser wat 'n kursus bywoon, te vind en te nomineer.

6. Kursusse word 'n paar keer per jaar herhaal om onderwysers in staat te stel om kursusse te kies wat aangebied word op tye wanneer hulle 'n volle kursus kan bywoon.

7. Slegs 50 onderwysers kan vir elke kursus geregistreer word. Hierdie onderwysers sal van al agt onderwysdistrikte getrek word. Dit beteken dat slegs 'n beperkte aantal onderwysers 'n kursus op 'n gegewe tydstip kan bywoon.

8. Nominasies van distrikskantore vir kursusse wat deur die jaar aangebied kan word, moet die KOLI teen 16 November 2012 bereik. Elke distrikskantoor word versoek om 'n minimum van 8 onderwysers per kursus te nomineer.

9. Vir meer inligting, skakel gerus met enige van die volgende KOLI-beamptes:

André Lamprecht, tel. 021 900 5020 OF alamprec@westerncape.gov.za vir alle SBO-kursusse
Magdalena Benn, tel. 021 900 5016 OF mabenn@westerncape.gov.za vir alle GF-kursusse
Keith Scheepers, tel. 021 900 5018 OF kscheepe@westerncape.gov.za vir alle Intermediêre Fase- en Senior Fase-kursusse.

10. Bring asseblief die inhoud van hierdie minuut onder die aandag van alle onderwysers.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2012:10:11

Bylae A: Grondslagfase-programkursusse 2013  (grootte: 20 KB)
Bylae B: Intermediêrefase-programkususse 2013  (grootte: 17 KB)
Bylae C: Seniorfase-programkursusse 2013  (grootte: 17 KB)
Bylae D: Skoolbestuursprogramkursusse 2013  (grootte: 21 KB)
Bylae E: Konferensies en seminare 2013  (grootte: 17 KB)
Bylae F: KOLI-Koördineerders in die onderwysdistrikte  (grootte: 20 KB)