| Datum: |
1 en 2 Oktober 2012 |
| Plek: |
Kaapse Onderwys-en-Leierskapinstituut, Nooiensfonteinweg, Kuilsrivier |
| Tye: |
1 Oktober: 08:00 – 16:00
2 Oktober: 08:00 – 13:00 |
| Wie moet dit bywoon?: |
Wiskunde-onderwysers vir Graad R tot 9 |
| 1. |
Die Kaapse Onderwys-en-Leierskapinstituut (KOLI) nooi Wiskunde-onderwysers vir Graad R tot Graad 9 uit om óf as aanbieders óf as deelnemers deel te neem aan die Wiskundeoplossingskonferensie. |
| 2. |
Doel
Die doel van hierdie Wiskunde-konferensie is om voorbeelde te voorsien van maniere waarop Wiskunde effektief onderrig kan word.
|
| 3. |
Inligting vir aanbieders |
| 3.1 |
Aanbieders wat geïnteresseerd is om 'n Wiskundeles, 'n referaat oor Wiskunde-onderrig of 'n "beste praktyk"-werkswinkel by die konferensie aan te bied, moet deur die volgende gelei word:
- Die les of referaat of "Hoe ek onderrig"-werkswinkel moet die Nasionale Kurrikulumverklaring (NKV) Graad R – 9 aanspreek en Kurrikulum-en-assesseringsbeleidsverklaring (KABV) gerig wees.
- Die les moet 'n aspek van die Wiskunde-sillabus vir 'n bepaalde graad onderrig.
- Deelnemers aan die konferensie moet by die les of werkswinkel betrek word.
- Duur: 60 minute. Laat 5 – 10 minute toe vir groepbespreking of vrae.
- Lokale sal draagbare tafels en stoele, 'n dataprojektor, 'n oorhoofse projektor, 'n witbord en staande blaaibord met papier hê.
- Alle werkvelle vir die konferensie sal bymekaargesit en in boekvorm uitgedruk word. Dit beteken dat aanbieders nie addisionele afskrifte van gedrukte materiaal hoef te bring nie, tensy van deelnemers verwag word om bladsye of werkblaaie te sny of te vou.
- Alle gedrukte materiaal moet getik en op 'n laserdrukker gedruk word, indien moontlik. Die WKOD sal die materiaal dupliseer.
|
| 3.2 |
Indien u belangstel om 'n item te lewer by die konferensie, voltooi asseblief die aangehegte Bylae A en stuur dit terug na mnr K Scheepers by faksnommer 021 900 5175/5027/5162 of e-pos dit na kscheepe@pgwc.gov.za teen 17 Augustus 2012. |
| 4. |
Inligting vir deelnemers |
| 4.1 |
Onderwysers wat die konferensie wil bywoon as deelnemers, word versoek om hulle besonderhede op die skoollys in Bylae B in te vul. |
| 4.2 |
Die voltooide Bylae B moet terugbesorg word aan mnr K Scheepers by e-posadres kscheepe@pgwc.gov.za of Gaynor Matthews by e-posadres gmatthew@pgwc.gov.za of faksnommer 021 900 5175/5027/5162 teen Vrydag, 31 Augustus 2012. |
| 4.3 |
Registrasie sal sluit sodra die eerste 350 deelnemers geregistreer het. |
| 4.4 |
Die konferensieprogram sal grootgroep-paneelbesprekings en parallelle sessies insluit wat deur die deelnemers aangebied word. Skole wat vir die konferensie registreer sal teen 21 September 2012 besonderhede van die konferensieprogram ontvang. |
| 5.1 |
Deelnemers of aanbieders uit die landelike onderwysdistrikte wat meer as 120 km retoer aflê, kan in die Kaapse Onderwys-en-Leierskapinstituut se koshuis oornag op Sondag, 30 September 2012 en Maandag, 1 Oktober 2012. |
| 5.2 |
Akkommodasie by die KOLI-hostelle sal deur die WKOD betaal word. |
| 5.3 |
Reiskoste sal nie deur die WKOD gedek word nie. |
| 6. |
Die WKOD vertrou dat hierdie konferensie 'n verrykende ervaring sal wees vir alle Wiskunde-onderwysers wat dit bywoon. |
| 7. |
Bring asseblief die inhoud van hierdie minuut onder die aandag van alle betrokkenes. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2012:07:31
|
 |