1. Die Kaapse Onderwys-en-Leierskapinstituut (KOLI) nooi alle prinsipale uit om vir hierdie konferensie te registreer as aanbieders of as deelnemers.

2. Doel

Die doel van hierdie konferensie is om idees, beste praktyk en ervaring te deel aangaande die bestuur en leierskap van 'n presterende skool.


3. Datum, tyd en lokaal

Die konferensie sal plaasvind op Donderdag, 4 Oktober 2012, van 08:00 tot 16:00 en op Vrydag, 5 Oktober 2012, van 08:00 tot 14:00, by die Kaapse Onderwysen-Leierskapinstituut, Nooiensfonteinweg, Kuilsrivier.


4. Inligting vir aanbieders
4.1 Aanbieders wat geïnteresseerd is om 'n referaat of 'n "beste praktyk"-werkswinkel by die konferensie aan te bied, moet deur die volgende gelei word:
4.1.1 Deelnemers aan die konferensie moet by die werkswinkel betrek word.
4.1.2 Die uur van die aanbieding: 60 minute. Laat 5 tot 10 minute toe vir groepbesprekings of vrae.
4.1.3 Lokale sal draagbare tafels en stoele, 'n dataprojektor, 'n oorhoofse projektor, 'n witbord en blaaibordstaander met papier hê.
4.1.4 Alle gedrukte materiaal moet getik en op 'n laserdrukker gedruk word, indien moontlik. Die WKOD sal die materiaal dupliseer.
4.1.5 'n Inligtingsessie vir alle aanbieders wat vir die program gekies is, sal plaasvind op Donderdag, 30 Augustus 2012.
4.2 Indien u belang stel om 'n item aan te bied op 4 en 5 Oktober 2012, vul asseblief die aangehegte Bylae A in en stuur dit terug aan mnr A Lamprecht by e-posadres alamprec@pgwc.gov.za of faksnommer 021 900 5175/5027/5162 teen Vrydag, 24 Augustus 2012.

5. Inligting vir deelnemers
5.1 Onderwysers wat nie hulle beste praktyk van hulle skole wil deel nie, maar wat die konferensie wil bywoon, word versoek om Bylae B in te vul.
5.2 Die voltooide Bylae B moet terugbesorg word aan mnr A lamprecht by e-posadres alamprec@pgwc.gov.za of faksnommer 021 900 5175/5027/5162 teen Vrydag, 7 September 2012.
5.3 Registrasie sal sluit sodra die eerste 300 deelnemers geregistreer het.
5.4 Die konferensieprogram sal voltallige besprekings en parallelle sessies insluit. Prinsipale wat vir die konferensie registreer sal teen Vrydag, 21 September 2012 besonderhede van die konferensieprogram ontvang.

6. Logistiek
6.1 Deelnemers wat meer as 120 km per retoer moet aflê, kan in die hostel van die Kaapse Onderwys-en-Leierskapinstituut oorbly op Woensdagnag, 3 Oktober en Donderdagnag, 4 Oktober 2012.
6.2 Akkommodasie by die KOLI-hostelle sal deur die WKOD betaal word.
6.3 Reiskoste sal nie deur die WKOD gedek word nie.
6.4 Die WKOD vertrou dat hierdie konferensie 'n verrykende ervaring vir alle prinsipale wat dit bywoon sal wees.
6.5 Bring asseblief die inhoud van hierdie minuut onder die aandag van alle betrokkenes.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2012:07:17

Bylae A: Vorm vir Aanbieders  (grootte: 19 KB)
Bylae B: Registrasievorm  (grootte: 13 KB)