| 1. |
Ngo-2010, iSebe leMfundo leNtshona Koloni (iSebe iWCED) lenze ngempumelelo iphulo elilingwayo leemvavanyo zenkqubo yemfundo kubafundi beBakala 9. Ukususela ngo-2011 iBakala 9 liya kufakwa ngokupheleleyo kuVavanyo lweNkqubo yeMfundo yeSebe iWCED (WCED Systemic Testing Programme). Zonke izikolo ezinabafundi abangaphezulu kwabahlanu beBakala 9 mazithathe inxaxheba kule nkqubo. |
| 2. |
Njengoko kwakwazisiwe kwixesha elidlulileyo, ezi mvavanyo zenkqubo yemfundo zicwangciselwe ukuqala nge-12 kuye kwi-25 Oktobha 2011, yaye zithatha usuku olunye kwisikolo ngasinye. Zonke izikolo ziya kwaziswa ngemihla ethile yokubhalwa kweemvavanyo zazo, ngokuthi kuthunyelwe imbalelwano nge-imeyili nangeCEMIS. |
| 3. |
Ucwangciso nolawulo lwezi mvavanyo zeBakala 9 lusekelwe kwiinkcukacha ezisekhompyutheni kwiCEMIS zomfundi ngamnye. Ngoko ke kubaluleke gqitha ukuba kuqinisekiswe ukuchaneka kwazo zonke iinkcukacha zabafundi. |
| 4. |
Iimvavanyo zenkqubo yemfundo zibhalwa phantsi kwemiqathango engqongqo yoviwo kwaye luxanduva lwesikolo ngasinye ukuqinisekisa ukuba loo miqathango iyenziwa. |
| 5. |
Izikolo ezinamanani aphezulu okungahanjwa kwesikolo ngosuku lovavanyo zinokuvavanywa kwakhona ngokwesigqibo sabaphathi abakhulu beSebe iWCED. |
| 6. |
Ukugcina ukuthembakala kweziphumo, ezi mvavanyo zenkqubo yemfundo zenziwa ngababoneleli-nkonzo bangaphandle abazimeleyo. |
| 7. |
Isikolo ngasinye siya kufumana ingxelo ngenkqubo yaso. Injongo kukunika ootitshala nabasebenzi abanika inkxaso ulwazi ngendlela abafundi abaqhuba ngayo kwiilwimi nemathematika, kunye nokunika inkxaso efanelekileyo. |
| 8. |
Iya kuthakazelelwa kakhulu intsebenziswano yakho malunga noku. |
ISAYINWE: NGU-MM HARKER
USEKELA MLAWULI-JIKELELE: WOCWANGCISO LWEZEMFUNDO
UMHLA: 2011:07:18
|
 |