1. ISetyhula 0006/2011 (yomhla we-2011-03-25) yazisa izikolo ngenjongo yeSebe leMfundo leNtshona Koloni (WCED) yokunika abafundi beSigaba seSiseko kwizikolo zikarhulumente eziqhelekileyo nakwizikolo zikarhulumente zemfundo eneemfuno ezizodwa, incwadi yezifundo (textbook) umfundi ngamnye kuso ngasinye sezi zifundo zilandelayo: uLwimi lweeNkobe, uLwimi lokuQala oLongezelelweyo, iMathematika neZakhono zoBomi (Life Skills).

2. Kodwa ke, kuthe ngenxa yokulibaziseka kokuveliswa kweKhathalogu kaZwelonke yeSigaba seSiseko (National Foundation Phase Catalogue) iSebe iWCED lenza izilungiso kwisicwangciso salo sokubonelela amaBakala 1 - 3 ngeencwadi.

3. Ngo-201, izikolo zikarhulumente eziqhelekileyo nezikolo zikarhulumente zemfundo eneemfuno ezizodwa zeSebe iWCED ezinabafundi bamaBakala 1 - 3 ziya kufumana ezi ncwadi zilandelayo:

  1. Grade 1 Study & Master Mathematics learner books and teacher guides, ezipapashwe yi-Cambridge University Press. (Izikolo sele zifumene iincwadi zezifundo zeMathemetika (Mathematics textbooks) zamaBakala 2 no-3 yaye mazizigcine ezo ncwadi ukwenzela ukuba ziqhubeke nokuzisebenzisa.)
  2. Izikolo zeSigaba 4 (Phase 4 schools) zephulo longenelelo ngoncedo i-Literacy and Numeracy Intervention ziya kufumana i-Home Language Reading Schemes, ezipapashwe yi-Oxford University Press (kwisiNgesi nesi-Afrikansi) kunye no-Nasou Via Africa (kwiXhosa).
  3. Iiklasi zamaBakala 1 - 3 ziya kufumana i-First Additional Language Reading Schemes ezipapashwe yi-Reading Matters.
4. Ngo-Januwari 2012, iSebe leMfundo esiSiseko kuzwelonke (national Department of Basic Education (DBE)) liya kubonelela abafundi beSigaba seSiseko, ngee-workbooks zoLwimi lweeNkobe, zoLwimi lokuQala oLongezelelweyo (isiNgesi), zeMathematika nezeZakhono zoBomi.

5. Kuqhotyoshelwe apha iKhathalogu kaZwelonke yeeNcwadi zeSigaba seSiseko (National Catalogue of Foundation Phase Resources) evunyiweyo eyikopi yekhompyutha ekhutshwa liSebe iDBE. Izikolo zinganqwenela ukusebenzisa isabelo-mali sazo se-Norms and Standards funding ukongezelela kwiincwadi zeSigaba seSiseko (Foundation Phase resources) zika-2012.

6. Ukuba izikolo ezingekho phantsi kweSiqendu 21 (Non Section 21 schools) zinqwenela ukuthenga iincwadi ezikuluhlu lweKhathalogu kaZwelonke yeeNcwadi zeSigaba seSiseko, mazingenise ii-odolo zazo kwi-ofisi yee-odolo ze-LTSM ungadlulanga umhla we-14 Oktobha 2011.


ISAYINWE: NGU-MM HARKER
INTLOKO: YESEBE LEMFUNDO
UMHLA: 2011:09:22

"GET Catalogue"  (ubukhulu: 65 KB)
"Detailed GET Catalogue"  (ubukhulu: 379 KB)