| 1. |
In 2010 het die Wes-Kaap Onderwysdepartement (WKOD) die sistemiese toetsing van graad 9-leerders suksesvol van stapel gestuur. Vanaf 2011 sal graad 9 ten volle inskakel by die jaarlikse WKOD Sistemiese Toetsprogram. Alle skole met meer as vyf graad 9-leerders moet aan die program deelneem. |
| 2. |
Soos voorheen aangekondig is, is die toetse geskeduleer vir 12 tot 25 Oktober 2011 en sal dit een dag per skool behels. Alle skole sal ingelig word van hulle spesifieke toetsdatums via 'n e-pos en die SOBIS. |
| 3. |
Die beplanning en Administrasie van hierdie graad 9-toetse is gebaseer op die besonderhede wat vir elke leerder op SOBIS vasgelê is. Dit is dus uiters belangrik dat alle leerders se besonderhede vir akkuraatheid geverifieer word. |
| 4. |
Sistemiese toetse word onder streng eksamentoestande geskryf en dit is die verantwoordelikheid van elke skool om seker te maak dat sodanige toestande geskep word. |
| 5. |
Skole met abnormale afwesigheidskoerse op die toetsdag kan hertoets word op die diskresie van die WKOD senior bestuur. |
| 6. |
Om die integriteit van die uitslae te bewaar, word die toetse ekstern afgeneem deur onafhanklike diensverskaffers. |
| 7. |
Elke skool sal 'n verslag ontvang oor die skool se prestasie. Die bedoeling is om aan onderwysers en ondersteuningspersoneel 'n insig te gee in hoe leerders presteer in taal en wiskunde, en om die gepaste ondersteuning te bied. |
| 8. |
U samewerking sal opreg waardeer word. |
GETEKEN: MM HARKER
ADJUNK-DIREKTEUR-GENERAAL: ONDERWYSBEPLANNING
DATUM: 2011:07:18
|
 |