1. In April 2010 het die Wes-Kaap Onderwysdepartement (WKOD) Die Wes-Kaap Onderwysdepartement (WKOD), in samewerking met 'n skenker, e-Mobiliteitskaarte en virtuele privaatnetwerkkonneksie (VPNK) bekendgestel as koste-effektiewe en beheerbare maniere van mobiele konnektiwiteit.

2. Kennisbestuursminuut 0002/2010 oor die Bekendstelling van e-Mobiliteit-datakaarte aan die WKOD, gedateer 2010-05-28 is onder WKOD-beamptes gesirkuleer om die e-Mobiliteitsprosesse te verduidelik (Sien Bylae A).

3. Na die bekendstelling van eMobiliteit is verskeie verbeterings en opgraderings bygevoeg by die e-Mobiliteitstelsel om sy werking te verbeter en die veranderings is gesteun deur die Provinsiale e-Mobiliteitsforum.

4. Die VPNK-fasiliteit verwys na die benutting van die e-Mobiliteits-datakaart om van veraf toegang te verkry tot Departementeel-beveiligde aanlynbesig-heidstelsels en tuistes (soos EduInfoSearch) wat nie andersinds vir die publiek toeganklik is nie.

5. WKOD-gebruikers wat vir e-Mobiliteit-datakaarte en VPNK wil aansoek doen moet die standaardproses van die Departementele Inligtingstegnologie-komitee (DITKOM) volg en ook die ander betrokke vorms voltooi soos aangedui in die bogenoemde minuut.

6. e-Mobiliteit en VPNK-toeganklikheid is bedoel vir beamptes wat, vir die grootste deel van hulle werktyd buite hulle kantore werk en vir wie toegang tot WKOD-stelsels en e-pos fundamenteel is tot hulle daaglikse aktiwiteite.

7. Vir die aanvanklike installasie of opstel van datakaarte word u vriendelik versoek om uself vertroud te maak met die Instelriglyne vir MTN e-Mobiliteit (BYLAE B).

8. U sal 'n maandelikse faktuur ontvang met 'n vaste koste van R95 vir die e-Mobiliteit-toestel. Maak asseblief seker dat die faktuur die korrekte selnommer reflekteer en betaal die vereiste bedrag binne 30 dae van die ontvangs van elke faktuur. Die datakoste sal gedek word deur die Departement van die Premier, Tak: Sentrum vir e-Innovasie.

9. Vir verdere e-Mobiliteit en VPNK-tegniese ondersteuning, maak asseblief gebruik van eMobiliteit se toegewyde tolvrynommer 0800 106 443 om 'n oproep te log (Sien Bylae C). Om 'n oproep te log sal die hulplessenaarsentrale u vra na u MSISDN d.i. die 083-selnommer wat met u datakaart verbind word (BYLAE D).

10. Onthou asseblief om u MSISDN-nommer byderhand te hê wanneer u e-Mobiliteit- en VPNK-oproepe log. Indien u nie u MSISDN-nommer kan vind nie, kontak asseblief die departementele e-Mobiliteitsbeampte, Ernest Modibane, by tel. 021 467 9322 of e-posadres emodiban@pgwc.gov.za

11. 'n 'Perk' op e-Mobiliteit verwys na die maksimum grootte of beperking op die gebruik van data waarop 'n beampte geregtig is per maand. Jy kan net 'n beperkte hoeveelheid tyd daaraan spandeer om op die Internet rond te snuffel of daarvan af te laai. Hieronder is die WKOD se standaard maandelikse perk soos geëndosseer deur die Provinsiale e-Mobiliteitsforum:

  1. LUR, SG en ADG = 1500MB (1.5 Gigagrepe);
  2. Hoofdirekteure en direkteure = 1000MB (1.0 Gigagrepe); en
  3. Nie-SMS-lede = 500MB (0.5 Gigagrepe).
12. Let daarop dat ongebruikte eenhede op die e-Mobiliteit-perk nie akkumuleer nie (d.i. u is geregtig op dieselfde gebruiksperk elke maand, en daar kan nie oorgedra word nie.) Die e-Mobiliteit word op die eerste dag van elke maand teruggestel. Indien jy jou kwota op enige datum in daardie maand opgebruik het, sal jy nie in staat wees om verder in te skakel en jou datakaart te gebruik nie en sal jy moet wag vir die volgende terugstelling, tensy jy dit kan regverdig om jou perk te laat verhoog.

13. Jy word vriendelik versoek om jou e-Mobiliteit op so 'n wyse te gebruik dat jy nie jou perk bereik voor die volgende terugsteldatum nie. Die volgende voorstelle kan jou help om te keer dat jy jou maksimum maandelikse gebruiksvoorraad voor die tyd opgebruik:

  • Skakel af of kies "Cancel" op sagtewareopdaterings of opwippe (soos Windows-, Adobe- en MTN-opdaterings).
  • Moenie groot lêers van die Internet aflaai nie.
  • Diskonnekteer die kaart wanneer dit nie in gebruik is nie.
  • Gebruik altyd die normale netwerkkabelkonneksie wanneer u in die kantoor werk.
14. 'n Gebruikersvriendelike webinstrument is geskep om jou te help om jou perk- status te eniger tyd na te gaan. Jy kan toegang tot hierdie instrument verkry deur die instruksies te volg soos verskaf in Bylae E.

15. Gebruikers wat hulle perk wil laat verhoog, moet die algemene DITKOM-toepassingsproses volg asook die Change Control-vorm invul. U aansoek sal geassesseer word teenoor u werksfunksie en u geskrewe motivering. Die finale besluit sal by DITKOM berus met inagneming van u geskiedenis van webtuistebesoeke.

16. Die volgende dokumente is by hierdie omsendminuut aangeheg:

  • BYLAE A: Kennisbestuursminuut: 002/2010 - Toegangsriglyne
  • BYLAE B: MTN e-Mobiliteit-opstelriglyne
  • BYLAE C: e-Mobiliteit- en VPNK-oproeplogprosedure.
  • BYLAE D: WKOD MSISDN biblioteeksigbladsy
  • BYLAE E: Riglyne vir Perk-instrument
17. Vir verdere inligting of navrae, skakel asseblief die persoon aangedui op die briefhoof hierbo.


GETEKEN: MM HARKER
ADJUNK-DIREKTEUR-GENERAAL: ONDERWYSBEPLANNING
DATUM: 2011:03:17

Bylae A: "Instructions on how to access Knowledge Management Minute - 0002/2010"  (grootte: 284 KB)
Bylae B: "Instructions for Setting Up an MTN eMobility Data Card"  (grootte: 419 KB)
Bylae C: "e-Mobility and VPNC call logging procedure"  (grootte: 55 KB)
Bylae D: "WCED MSISDN library"  (grootte: 45 KB)
Bylae E: "Capping Tool User Manual"  (grootte: 74 KB)