| 1. |
In 2004 het die Symantec Korporasie 'n ooreenkoms gesluit met die nasionale Departement van Onderwys waarvolgens alle openbare skole in Suid-Afrika vrye toegang sou verkry tot Symantec se sekuriteitsprogrammatuur vir rekenaars (anti-virus, anti-spam, anti-spioenware). Daardie ooreenkoms het op 31 Maart 2010 verval. |
| 2. |
Die nasionale Departement van Basiese Onderwys (DBO) het 'n nuwe 3-jaar kontrak aangegaan met Symantec Suid-Afrika vir die periode 1 Januarie 2011 tot 31 Desember 2013, en is nou in besit van sagteware-afskrifte en die lisensiekode vir SYMANTEC ENDPOINT PROTECTION 11.06 MP2 Xplat EN DVD. 'n Afskrif van hierdie sagteware is ontvang deur die Wes-Kaap Onderwysdepartement vir verspreiding na skole. |
| 3. |
Skole kan 'n bestelling plaas vir die bogenoemde mediastel by Edumedia deur die aangehegte bestelvorm vir Symantec-produkte in te vul (BYLAE A). Skole kan kies om die mediastel by Edumedia te gaan haal of dit per pos te ontvang. Bestellings kan geplaas word vanaf
21 Maart 2011. |
| 4. |
Geen lisensiekode sal benodig word vir aktivering nie. |
| 5. |
Die gebruik van die Symantec programmatuur is beperk tot PR's in openbare skole. Let daarop dat hierdie ooreenkoms nie onderwysers se PR's tuis, VOO-kolleges en onafhanklike skole insluit nie. |
| 6. |
Indien u tegniese bystand verlang, skakel asseblief die IT-hulplessenaar by tel. 021 900 7123. |
| 7. |
Vir verdere inligting, skakel asseblief die telefoonnommer aangedui op die briefhoof hierbo. |
GETEKEN: MM HARKER
ADJUNK-DIREKTEUR-GENERAAL: ONDERWYSBEPLANNING
DATUM: 2011:03:09
|
 |