1. Soos u bewus is, word die WKOD se omsendbriewe en -minute in elektroniese formaat vanaf die Hoofkantoor versend, maar dokumente en korrespondensie wat nie via e-pos versend kan word nie, word beskikbaar gestel in drukstukformaat. Gewone pos soos briewe, word daagliks per hand versend.

2. As gevolg van die hoë posgeld sal die volgende besparingsmaatreëls in 2011 van krag wees.
2.1 Massapos soos boeke, pamflette, dokumente en korrespondensie wat nie per e-pos aan skole versend kan word nie, sal slegs op Donderdae deur Registrasie versend word.
2.2 As dit noodsaaklik is dat gedrukte omsendbriewe, minute of massapos na skole versend moet word, sal dit elke eerste en derde Donderdag van elke maand aan skole versend word, tensy daar op direkteursvlak gesertifiseer word dat die omsendbrief, minuut of massapos 'n sperdatum bevat en gevolglik onmiddellik versend moet word. Indien 'n omsendbrief of -minuut voor die geskeduleerde versendingsdatum gestuur moet word, sal die betrokke direktoraat verantwoordelik wees vir die posgeld.

3. Die datums waarop drukstukke van omsendbriewe, minute en massapos gedurende 2011 versend sal word, is soos volg:

24 Februarie 2011 28 Julie 2011
10 Maart 2011 11 Augustus 2011
24 Maart 2011 25 Augustus 2011
07 April 2011 08 September 2011
21 April 2011 22 September 2011
05 Mei 2011 06 Oktober 2011
19 Mei 2011 20 Oktober 2011
02 Junie 2011 03 November 2011
15 Junie 2011 17 November 2011
30 Junie 2011 24 November 2011
14 Julie 2011 01 Desember 2011

4. Enige navrae rakende die inhoud van hierdie minuut kan gerig word aan een van die volgende:

NAAM TELEFOON E-POS
Mev S Maqendwana 021 467 2361 smaqendw@pgwc.gov.za
Mev M Molaba 021 467 2742 mmolaba@pgwc.gov.za

5. Bring asseblief die inhoud van hierdie minuut onder die aandag van alle betrokkenes.


GETEKEN: MM HARKER
ADJUNK-DIREKTEUR-GENERAAL: ONDERWYSBEPLANNING
DATUM: 2011:02:17