| 1. |
Die ooreenkoms tussen die Departement van Basiese Onderwys (DBO) en Microsoft (MS) het op 30 Junie 2010 verval en Microsoft het 'n kosteberekende model met groot afslag bekendgestel om die programmatuur vir skole te verkry. |
| 2. |
Die Wes-Kaap Onderwysdepartement (WKOD) het 'n afnemende afslagmodel namens die Wes-Kaapse openbare skole beding, en, as gevolg daarvan 'n driejarige kontrak (hernubaar vir 'n verdere 2 jaar) aangegaan met MS deur die PGWC Large Account Reseller (LAR), Eerste Tegnologie. Die kontrak is geldig vanaf 1 Julie 2010 tot 30 Junie 2015.
|
| 3. |
Die WKOD sal die lisensiebedrag namens die skole direk aan Microsoft betaal via die goedgekeurde Wes-Kaapse LAR vir die duur van die kontrakperiode. Daar sal geen koste-implikasies vir die skole wees vir die gekeurde MS-produkte nie.
|
| 4. |
Die MS-produkte wat deur die nuwe MS-skoleooreenkoms gedek word, verskyn op die lys hieronder:
| PRODUK |
| Windows Server 2008 R2 Standard (64-bis - alleenlik) |
| Windows Server Client Access License (DvcCAL) |
| Forefront Threat Management Gateway (TMG) 2010 (64-bis - alleenlik) |
| Windows 7 Professional (64-bis) Opgradeer |
| Windows 7 Professional (32-bis) Opgradeer |
| Office Professional Plus 2010 (64-bis) |
| Office Professional Plus 2010 (32-bis) |
| Visual Studio Express |
| Digital Literacy Curriculum |
| Microsoft Learning Suite |
|
| 5. |
Let asseblief daarop dat skole gebruik mag maak van vroeëre weergawes van die bogenoemde gekeurde MS-produkte, maar geen mediastelle vir die vorige weergawes sal beskikbaar gestel word deur WKOD se Edumedia nie. |
| 6. |
Skole sal 'n bestelling vir die gekose mediastel moet plaas by Edumedia deur die bestelvorm vir MS Produkte te voltooi (sien BYLAE A). Skole kan kies om die gekose mediastel by Edumedia te kry of dit kan gepos word na hulle, op voorwaarde dat die bestelvorm volledig voltooi is. Bestellings kan geplaas word vanaf 1 Februarie 2011. |
| 7. |
Indien skole addisionele MS-produkte benodig, sal hulle individuele kontrakte moet aangaan met MS, via hulle gemagtigde onderwysherverkoper (https://aer.microsoft.com/aer/default.aspx) en voorsiening moet maak in hulle begroting vir die betaling vir addisionele produkte. |
| 8. |
U sal inligting oor die Microsoft Learning Suite for Schools vind as die aangehegte BYLAE B. Ingesluit is skakels met addisionele gratis onderwysbronne en programme wat leer en onderrig ondersteun. |
| 9. |
Skole mag beperkte "Work at Home (WAH)"-regte aan hulle onderwysers bied vir werkverwante doeleindes alleenlik, teen geen ekstra lisensiekoste nie. |
| 10. |
Skole sal uitgawes aangaan vir die verkryging en verspreiding vandie WAH-mediastel - die koste word geraam op R125 (onderworpe aan die toepaslike $-R-wisselkoers). |
| 11. |
Skole mag een kopie van elke toepaslike CD-ROM of stel diskette koop en aan elke gemagtigde gebruiker verskaf. Hierdie CD's of disketstelle (bekend as "studentemedia") kan aangekoop word van die herverkoper in hoeveelhede wat nie die getal nuwe gelisensieerde persoonlike rekenaars in u skool oorskrei nie. Die LAR is First Technology (tel. 021 525 7000) en die kontakpersoon is Rushni Appo of Helena du Preez. |
| 12. |
Skole wat gebruik maak van WAH moet verseker dat
- daar aan elke deelnemende onderwyser 'n volledige kopie van die WAH- media toegeken word, en
- dat hy/sy die MS Skool se WAH-ooreenkoms se Vorm van Aanvaarding (BYLAE C) onderteken, en seker maak dat dit deur die skoolhoof onderteken is en dat die skool se stempel op die vorm verskyn.
|
| 13. |
Prinsipale word daaraan herinner dat personeel met WAH-regte wat die skool permanent verlaat, die sagteware moet deaktiveer. |
| 14. |
Onderwysers wat deel van die Onderwyserskootrekenaarinisiatief (OSI)uitmaak, moet nie gebruik maak van die WAH-regte nie, aangesien die OSI-pakkette voorsiening maak vir soortgelyke programmatuur. |
| 15. |
Indien u tegniese bystand verlang, skakel asseblief die IT-hulplessenaar by tel. 021 900 7123. |
| 16. |
Vir verdere inligting, skakel asseblief die telefoonnommer aangedui op die briefhoof hierbo. |
GETEKEN: PENNY VINJEVOLD
HOOF: ONDERWYS
DATUM: 2011:01:31
|
 |