1. Omsendbrief 0006/2011 (van 2011-03-25) het skole in kennis gestel van die Wes-Kaap Onderwysdepartement (WKOD) se voorneme om alle graad 10-leerders by gewone en spesiale openbare skole te voorsien van 'n handboek per vak om die implementering van die Kurrikulum en Assesseringsbeleidsverklarings (KABV) te ondersteun.

2. 'n Elektroniese weergawe van die Nasionale Katalogus van goedgekeurde graad 10 KABV-handboeke, ontwikkel deur die nasionale Departement van Basiese Onderwys (DBO) is aangeheg. Slegs boeke in hierdie katalogus sal deur die WKOD vir graad 10-leerders aangekoop word.

3. Skole moet

  1. hulle handboeke kies vir elke graad 10-vak op hulle goedgekeurde VOO-kurrikulum;

  2. aandui die getal handboeke en onderwysergidse wat per titel benodig word, gebaseer op die geprojekteerde leerderinskrywing en taal per vak vir 2012;

  3. hulle handboekseleksie vaslê op die geoutomatiseerde handboekrekwisisievorm op SOBIS teen nie later nie as 16:00 op Maandag, 26 September deur die stappe hieronder te volg:
    Stap 1: Log in op SOBIS.
    Stap 2: Kies die "Administration"-opsie op die kieslys.
    Stap 3: Kliek op "CAPS GR 10 Order" op die aftuimelblokkie.
    Stap 4: Kliek op "GR 10".
    Stap 5: Kies 'n onderwerp van die aftuimelblokkie.
    Stap 6: Sleutel in die getal handboeke en onderwysersgidse langs u gekose handboektitel vir hierdie vak.
    Stap 4: Kliek op "SUBMIT".
    Stap 8: Herhaal stappe 5 - 7 hierbo vir elke graad 10-vak in die skool se goedgekeurde VOO-kurrikulum.
    Stap 9: Sodra u tevrede is met u handboekbestelling, voltooi die aftekenskerm en kliek "SAVE".

  4. Raadpleeg die SOBIS Gebruikersgids (Bylae B), beskikbaar op die SOBIS "Administration"-opsie, vir duidelike, stap-vir-stap instruksies; en

  5. Kontak Zandre Kleinschmidt by tel.no. 021 467 2204 of Lucia Bredenkamp by tel.no. 021 467 2129, indien bystand verlang word.
4. Ontwerp, Dramatiese Kunste, Inligtingstegnologie, Meganiese Tegnologie, Religiestudies en Visuele Kunste het slegs een goedgekeurde titel op die Nasionale Katalogus. Skole moet die getal boeke wat per taal benodig word vir hierdie titel aandui.

5. Die volgende vakke het geen handboeke op die goedgekeurde nasionale Katalogus nie: Musiek, Siviele Tegnologie, Landboubestuurspraktyke, Landboutegnologie en Dansstudies. Skole sal 'n geleentheid gegun word om vir hierdie vakke te bestel wanneer die DBO die aanvullende Nasionale Katalogus in November 2011 beskikbaar stel.

6. Skole mag hierdie goedgekeurde handboeke by hulle distrikskantoor of onderwyserhulpbronsentrum besigtig vanaf 14:30 tot 16:30, Maandag tot Vrydag.

7. Die WKOD sal probeer om skole te voorsien van die handboeke van hulle keuse. Dit kan dalk nie altyd moontlik wees binne ons huidige begroting nie.

8. Bring asseblief die inhoud van hierdie minuut onder die aandag van al u onderwyspersoneel.


GETEKEN: PENNY VINJEVOLD
HOOF: ONDERWYS
DATUM: 2011:09:19

"National Catalogue of approved Grade 10 CAPS textbooks"  (grootte: 87 KB)