| 1. |
Die Kurrikulum- en Assesseringsbeleidsverklarings (KABV) sal in 2012 in graad 10 geïmplementeer word. |
| 2. |
Omsendbrief 0006/2011 (van 2011-03-25), het skole ingelig dat die Wes-Kaap Onderwysdepartement (WKOD) voor die begin van die 2012 akademiese jaar 'n handboek sal verskaf vir elk van die sewe vakke wat deur graad 10-leerders by gewone openbare skole geneem word. |
| 3. |
Ter voorbereiding op die verkryging van die graad 10- KABV-handboeke, word skole versoek om Bylae A te voltooi, met 'n aanduiding van hulle leerderinskrywing vir graad 10 in 2012 vir alle vakke op die skool se goedgekeurde VOO-kurrikulum, gebaseer op die leerders se vakkeuse vir volgende jaar. |
| 4. |
Die voltooide Bylae A moet teruggestuur word na die LOOM-kantoor teen Maandag, 29 Augustus 2011. Voltooide vorms kan gefaks word na 086 763 3377, geskandeer en per e-pos gestuur word aan LTSM@pgwc.gov.za of per hand afgelewer word aan me L Bredenkamp, kantoor no. 15-05, 15de vloer, Goue Akker Kantore, Kaapstad. |
GETEKEN: PA VINJEVOLD
HOOF: ONDERWYS
DATUM: 2011:08:23
|
 |