1. Die SADC Research Centre is deur die Wes-Kaap Onderwysdepartement (WKOD) aangestel om vanaf April 2011 tot Oktober 2011 'n infrastruktuur-assessering by alle WKOD-skole te onderneem.
2. Die National Education Infrastructure Management System (NEIMS) se ondersoek van WKOD-skole is in 2006 - 2007 onderneem onder beskerming van die Departement van Basiese Onderwys (DBO). Die DBO het gevolglik die data wat tydens daardie ondersoek versamel is, vrygestel. Dit het geblyk uiters belangrik te wees vir beplanning. Die data is egter nog nie bygewerk sedert die ondersoek nie en die bruikbaarheid daarvan word gekompromitteer.
3. Om te verseker dat die integriteit van die inligting gehandhaaf word, is dit nodig nie alleen om die data by te werk nie, maar ook om 'n stelsel daar te stel wat die WKOD in die toekoms in staat sal stel om sy data by te werk sodra verbeterings by skole afgehandel is. Dit sal ons ook in staat stel om 'n kundige onderhoudskedule op te stel.
4. Die SADC Navorsingsentrum sal skole 2 weke kennis gee van hulle voorgenome besoek. Hulle assessering sal die volgende insluit:

  • Kort onderhoud met die prinsipaal of sy of haar benoemde verteenwoordiger.
  • 'n Terreinassessering - meet, tel, opskryf, teken en foto's neem van alle skoolgeriewe
  • Verifikasie deur die prinsipaal of gedelegeerde verteenwoordiger dat die assessering wel plaasgevind het.

Die besoek behoort 3 tot 4 uur te neem, afhangende van die grootte van die skool.
5. Die WKOD het dit duidelik gestel aan die SADC Research Centre dat onderbreking van skoolklasse tot die minimum beperk moet word. Alle assesseringsvorms sal voltooi word deur die veldwerkers; die prinsipaal of sy of haar gedelegeerde verteenwoordiger moet net teken om te verifieer dat die assessering plaasgevind het.
6. Die WKOD doen 'n beroep op alle skole om die SADC Research Centre te help om die assessering uit te voer en vertrou opreg dat hierdie oefening infrastruktuurbeplanning en die bestuur van alle skole sal verbeter.


GETEKEN: MM HARKER
ADJUNK-DIREKTEUR-GENERAAL: ONDERWYSBEPLANNING
DATUM: 2011:04:26