1. In 2007 en 2009 het die Wes-Kaap Onderwysdepartement die Leer-, Onderrig en Ondersteuningsmateriaal (LOOM) Spesiale Projekte van stapel gestuur om graad 11- en 12-leerders te voorsien van 'n handboek per vak.
2. In die daaropvolgende jaar het skole Norme-en-standaarde-fondse ontvang om handboektekorte mee uit te wis. Onlangse skoolgereedheidsverslae het egter aangedui dat sommige skole handboektekorte ondervind in graad 11 en 12.
3. Aan die begin van die 2011-akademiese jaar het die Superintendent-generaal, me Vinjevold, die verskaffing van handboekaanvullings vir graad 11 en 12 goedgekeur om te verseker dat elke leerder in hierdie grade beskik oor 'n handboek vir elke vak.
4. Skole word dus versoek om vas te stel watter tekorte daar is aan handboeke vir graad 11 en 12 wat betref die boeke wat hulle gekies het van die Nasionale VOO-handboekkatalogus (Bylae C). Daarna moet hulle die aangehegte rekwisisievorm (Bylae A) voltooi en aanstuur na hulle IBB-bestuurder teen Woensdag, 3 Februarie 2011. Weens tydbeperkings sal geen laat versoeke geprosesseer word nie.
5. Elke versoek moet deur die skool se IBB-bestuurder of kringspanbestuurder geverifieer word voor dit aangestuur word na die LOOM-kantoor by die adres wat hieronder verskyn.
6. Hierdie handboeke vorm deel van die skool se LOOM-bronne. Daarom moet die handboeke met die skoolstempel gestempel word, op die skool se inventaris aangebring word, oorgetrek word en dan aan die einde van elke jaar teruggevorder word. Die handboeke in die leerders se besit moet ten minste tweekeer per jaar deur die skool nagegaan word. Verlore of beskadigde handboeke moet deur die skool vervang word.
7. Die besonderhede van nie meer nie as twee senior bestuurslede wat sal teken vir alle LOOM wat aan die skool gelewer word in 2011 moet ingevul word op die aangehegte Bylae B-vorm en moet dan gepos word teen Vrydag, 11 Februarie 2011, aan Die LOOM-kantoor, Aandag: me Jenny Maliqua, Kaapse Onderrig-en-Leierskapinstituut, Nooiensfonteinweg, Kuilsrivier, 7579 OF aan e-posadres jamaliqu@pgwc.gov.za OF faks 086 514 3146.


GETEKEN: MM HARKER
HOOF: ONDERWYS
DATUM: 2011:01:26

Bylae A: Rekwisisie vir graad 11 & 12 handboekaanvulling  (grootte: 13 KB)
Bylae B: "Details of signatories for ltsm delivered during 2011"  (grootte: 8 KB)
Bylae C: Nasionale VOO-handboekkatalogus  (grootte: 56 KB)