| 1.2 |
Neem asseblief kennis dat die 2012 skool beheerliggaamverkiesings vir ALLE skole in Suid-Afrika beplan is om op Donderdag 1 Maart 2012 te begin en moet teen die einde van die eerste kwartaal op 23 Maart 2012 afgehandel wees. |
| 1.3 |
Ingevolge Maatreëls 13, 15,en 16(2) van die Maatreëls met betrekking tot Beheerliggame vir Openbare Skole moet die verkiesing van die opvoeder-, nie-opvoeder-, en die leerderlede (waar van toepassing) van die SBL voor die verkiesing van die ouerlede gehou word. Voorsiening is gemaak dat die verkiesing van dié nie-ouer lede gedurende die week van 1 Maart 2012 begin. |
| 2. |
OPLEIDING VAN DIE KIESBEAMPTES |
| 2.1 |
Die Hoof: IBB-Koördinering en -Advies, wat as Distrikskiesbeampte optree, sal die aanstelling van die kiesbeamptes vir hul distrikte, koördineer. |
| 2.2 |
Die opleiding van die kiesbeamptes sal vroeg in die eerste kwartaal van 2012 deur die IBB Bestuurders gedoen word. Die opleidingsprogram, datum en plek sal deur die betrokke onderwysdistrikte aan die prinsipale voorsien word. |
| 2.3 |
Prinsipale wat die opleidingsessies bygewoon het sal elk 'n brief wat deur hul onderwysdistrksdirekteur onderteken is, ontvang wat aandui dat hulle mag optree by die verkiesing van 'n geselekteerde en/of naburige skool of skole. |
| 3. |
VOORBEREIDING VAN KIESERSLYSTE |
| 3.1 |
Prinsipale word daaraan herinner dat hulle kieserlyste moet opstel vir ouers, opvoeder, nie-opvoeders en leerderverteenwoordigers deur middel van 'n proses van kieserregistrasie. |
| 3.2 |
Hulle moet deur middel van duidelike en effektiewe kommunkasie met ouers, voogde en versorgers verseker dat die persone wat op die kieserlys geregistreer is of op die toelatingsregister van die skool verskyn, die regmatige persoon/persone is om aan die SBL verkiesings deel te neem. Slegs persone wie se name op die kieserslys verskyn, sal geregtig wees om kandidate te nomineer, of te sekondeer of vir kandidate te stem. |
| 4. |
DIE SKOOLVERKIESINGSPAN |
| 4.1 |
Die skoolverkiesingspan moet in plek gestel word om te verseker dat vroeë beplanning vir 'n suksesvolle SBL-verkiesing by die skool begin. |
| 4.2 |
Skoolverkiesingspanne word aangemoedig om hul eie bewusmakingstrategieë te ontwikkel om deelname aan die verkiesings te mobiliseer en te verseker dat geskikte kandidate verkies word. |
| 4.3 |
Die bewusmakingstrategie soos gemeld in 4.2 hierbo, moet die uiteensetting van kriteria vir die keuse van geskikte beheerliggaamlede insluit. |
| 5. |
ONDERSTEUNING AAN SKOLE |
| 5.1 |
Indien u skool enige ondersteuning benodig en/of navrae het in verband met die SBL verkiesing, moet u nie skroom om met u IBB-bestuurder in verbinding te tree nie. |
GETEKEN: J H LYNERS
ADJUNK-DIREKTEUR-GENERAAL:INRIGTINGSONTWIKKELING EN KOÖRDINERING
DATUM: 2011:12:02
|
 |