| 1. |
Die Direktoraat: Inrigtingsbestuur en Beheerbeplanning (IBBB) sal gasheer wees vir twee skoolbeheerliggaamkonferensies (SBL-konferensies) gedurende November 2011. Alle skoolhoofde en die voorsitters van SBL'e word genooi om dit by te woon. |
| 2. |
Twee konferensies sal gehou word in die Wes-Kaap, waar elke konferensie skole in sekere onderwysdistrikte sal bedien:
Die vier Metropolitaanse distrikte en Weskus Distrik
| Plek: |
Hoofsaal van die Oude Molen Akademie vir Wetenskap en Tegnologie, Jan Smutsrylaan, Pinelands, Kaapstad. |
| Datum: |
19 November 2011 |
Tyd: 08:30 - 15:00 |
Eden & Sentraal Karoo, Kaapse Wynland en Overberg
| Plek: |
Hoofsaal van Avian Park Primêre Skool, Albatrosstraat 100, Avian Park, Worcester. |
| Datum: |
26 November 2011 |
Tyd: 08:30 - 15:00 |
Let asseblief daarop dat prinsipale en SBL-voorsitters slegs daardie konferensie mag bywoon wat vir hulle distrik gereël is.
|
| 3. |
Elke SBL-konferensie beoog om 'n herwinning- en restorasiebenadering ten opsigte van probleemgedrag te bevorder deur SBL'e bloot te stel aan meganismes, intervensies en ontwikkelingsprogramme om met uitdagende gedrag op skool te handel. |
| 4. |
Die konferensie sal ook aan die lede van die SBL die geleentheid bied om sosiale kapitaal te ontwikkel wanneer hulle netwerke onder die onderskeie VRL'e in die skole en onderwysdistrikte skep, wat vir hulle as ondersteuningstrukture kan dien. |
| 5. |
Skoolhoofde en SBL-voorsitters word versoek om saam te reis wanneer hulle die konferensie bywoon. Prinsipale sal vergoed word vir reisonkoste waar die afstand wat gereis is 100 km in een rigting oorskry. Om te eis vir reisonkostes moet die aangehegte Reis en Verblyfvorms en Z43 vorms ingelewer word by die konferensie. Eise wat onvolledig of onakkuraat is, sal nie betaal word nie. |
| 6. |
Indien 'n skoolhoof nie die konferensie kan bywoon nie, en slegs die SBL-voorsitter dit bywoon, word die skool versoek om die koste van die reis te dra en aan die Direktoraat: IBBB bewys van betaling te verskaf sodat die skool na afloop van die konferensie vergoed kan word. |
| 7. |
Waar die SBL-voorsitter alleen na die konferensie reis en die afstand 100 km in een rigting oorskry, sal die Direktoraat: IBBB die skool vergoed na ontvangs van die volgende gewaarmerkte dokumente:
- 'n Oorspronklike brief (nie afskrif nie) op die briefhoof van die skool en onderteken deur die prinsipaal en tesourier, om die WKOD in te lig van die totale koste van die reis deur die skool aangegaan.
- Die oorspronlike gewisselde tjek, uitgereik aan die SBL-voorsitter en deur die bank gestempel,
OF
- die oorspronlike kontantbewys vir 'n kontantbetaling, uitgemaak aan die voorsitter en onderteken deur die persone wat daartoe gemagtig is
- Die oorspronklike kwitansie(s) wat uitgemaak is aan die skool vir die kontant wat ontvang is en deur die voorsitter onderteken
L.W. Skole moet kopieë van alle dokumente hou vir verwysings en ouditdoeleindes.
|
| 8. |
Akkommodasie sal verskaf word slegs aan prinsipale en SBL-voorsitters wat meer as 200 km in een rigting moet reis. Prinsipale en voorsitters wat akkommodasie vereis sal deel B van die aangehegte vorm moet voltooi. Hierdie inligting oor akkommodasie word lank voor die tyd aangevra om beskikbaarheid te verseker. Versoeke om akkommodasie moet ontvang word voor 31 Oktober 2011. Dit kan gefaks word na me Zoliswa Lonja by 086 547 8758. 'n E-pos om akkommodasie te bevestig sal aan elke afgevaardigde gestuur word wat akkommodasie aanvra. |
| 9. |
Persone wat beplan om die SBL-konferensie by te woon, moet deel A van die aangehegte vorm voltooi en dit faks aan me Zoliswa Lonja by 086 547 8758 voor 31 Oktober 2011. Die inligting word lank voor die tyd verlang om die WKOD in staat te stel om die konferensies suksesvol te beplan en te bestuur. |
| 10. |
Vir verdere inligting en navrae, kontak asseblief me Zoliswa Lonja by tel.no. 021 467 2070. |
| 11. |
Prinsipale word versoek om seker te maak dat die inligting in hierdie minuut verskaf word aan en bespreek word met hulle SBL-voorsitters binne 4 werksdae van ontvangs van hierdie minuut om skole in staat te stel om teen die keerdatuims te antwoord. |
| 12. |
U spoedige reaksie sal baie waardeer word. |
GETEKEN: JH LYNERS
ADJUNK-DIREKTEUR-GENERAAL: INRIGTINGSONTWIKKELING EN -KOÖRDINERING
DATUM: 2011:10:20
|
 |