1. Die Wes-Kaap Onderwysdepartement is daartoe verbind om seker te maak dat die maksimum tyd vir onderrig en leer beskikbaar gestel word, en die beste gebruik daarvan gemaak sal word, veral tydens eksamens.

2. Personeel van alle skole en distrikskantoorpersoneellede word versoek om op die volgende te let:
2.1 Dit is die verantwoordelikheid van elke skool om sy skoolprogram te beplan tydens en na die eksamen tot op die laaste dag van die skoolkwartaal, en om alle leerders, ouers en distrikskantore dienooreenkomstig in te lig.
2.2 Skole wat graad 4 tot 11 aanbied, word daaraan herinner dat geen eksamen voor 6 Junie en 18 November 2011 mag begin nie. Daar word van alle leerders verwag om skool by te woon deur die eksamentydperk heen, met die uitsondering van Graad 12-leerders, wat geregtig is op 5 studiedae voor die aanvang van die finale Nasionale Senior Sertifikaat-eksamen.
2.3 Primêre skole mag nie 'n eksamenperiode afblok nie, en alle assesserings en eksamens moet afgelê word as deel van die normale skoolprogram. Primêre skole word dus nie toegelaat om tydens hierdie tye vroeër te sluit nie.
2.4 Skole mag nie die indruk skep by leerders dat dit die leerder se besluit is of hy/sy, na die einde van die eksamen vir die kwartaal, of wanneer hulle nie toetse of eksamen skryf nie, skool toe wil kom nie.
2.5 Alle onderwysers moet elke dag by die skool wees vir die volle skooldag tydens hierdie tydperk (35 uur per week) ongeag of hulle toesigdiens het of nie.
2.6 Onderwysdistriksbeamptes sal die implementering van hierdie direktiewe moniteer. Prinsipale van skoolbeheerliggame word versoek om spesiale aandag te gee aan die ontwikkeling van hulle programme vir die periodes waarna verwys is, sodat waardevolle tyd vir leer nie verlore sal gaan nie.


GETEKEN: JH LYNERS
ADJUNK-DIREKTEUR-GENERAAL: INRIGTINGSONTWIKKELING-EN-KOÖRDINERING
DATUM: 2011:05:31