1. Die Wes-Kaap Onderwysdepartement se MIV/VIGS-Lewensvaardighede-opvoedingsprogrameenheid wil dit onder die aandag van alle leerders, WKOD-werknemers en ouers bring dat 1 Desember 2011 Internasionale WêreldVIGSdag is. WêreldVIGSdag is belangrik

  • vir die voorkoming van die verspreiding van MIV;
  • vir die voorsiening van sorg en ondersteuning aan leerders wat geïnfekteer of geaffekteer is deur MIV/VIGS;
  • vir die beskerming van die gehalte van onderwys;
  • in die stryd teen vooroordeel, stigma en diskriminasie;
  • vir die verhoging van bewustheid; en
  • vir die lewering van 'n samehangende respons.
2. Die tema vir 2011 is "Mikpunt Zero" ("Getting to Zero"). WêreldVIGSdag 2011 se "Mikpunt Zero" strewe na 'n toestand van zero nuwe infeksies, zero diskriminasie en zero VIGS-verwante sterftes. Ons politieke leiers het hulleself verbind daartoe om te werk vir universele toeganklikheid tot MIV./ VIGS-behandeling, voorkoming en sorg, en om dit as fundamentele menseregte te erken. Skending van menseregte versnel die verspreiding van MIV, en stel 'n toenemende getal wese, kwesbare kinders, dwelm- en alkoholmisbruikers en die jeug van ons land in besonder in gevaar.

3. Volgens die Nasionale Jeugrisiko-opname wat gemaak is deur die Mediese Navorsingsraad in 2008 het 37,5% van ons leerderbevolking (Graad 8 tot 11) al seksueel verkeer, 19% swanger geraak, 17.7% kinders in die wêreld gebring, 8.2% aborsies ondergaan en 4.4% seksueel-oordraagbare infeksies opgedoen. Daarbenewens het 41% alkohol en 9.3% dwelms gebruik of is hulle dwelms aangebied, wat beide geassosieer word met riskante seksuele verkeer.

4. Om bogenoemde redes is die WKOD en sy MIV/VIGS-eenheid baie besorgd oor leerders wat deelneem aan sulke riskante gedrag en gee hulle applous vir diegene wat verantwoordelike keuses vir hulle eie welsyn gemaak het.

5. WêreldVIGSdag bied 'n geleentheid aan alle leerders, onderwysers, skoolbeheerliggame, ouers en ander skoolbelanghebbendes om tot aksie oor te gaan en seker te maak dat menseregte beskerm word, en dat ons skole fokus op die voorkoming, behandeling, versorging, fisiese en psigologiese veiligheid van alle leerders, en die eliminering van stigma, diskriminasie, seksuele teistering en misbruik.

6. Ons skole is sentrums van versorging en ondersteuning vir ons leerders, om sodoende by te dra dat elke leerder sy/haar volle potensiaal bereik. Die WKOD wil alle prinsipale, onderwysers, leerders en ouers bedank wat, deur 2011 heen, bewys gelewer het van hulle ondersteuning en toewyding getoon het in die stryd teen die MIV-plaag wat ons land bedreig.

7. U word nogeens aangemoedig om te fokus op WêreldVIGSdag en om u kreatiwiteit en entoesiasme aan te wend om programme, aktiwiteite en gebeurtenisse vir WêreldVIGSdag op 1 Desember 2011 aan te bied.

8. Indien enige skool ondersteuning benodig ten opsigte van WêreldVIGSdagprogramme of aktiwiteite, moet daardie skool nie huiwer om die WKOD MIV/VIGS-programbestuurder, Loretta Erasmus, te kontak by loerasmu@pgwc.gov.za nie.

9. Bring asseblief die inhoud van hierdie minuut onder die aandag van alle belanghebbendes.


GETEKEN: JH LYNERS
ADJUNK-DIREKTEUR-GENERAAL: INRIGTINGSONTWIKKELING EN -KOÖRDINERING
DATUM: 2011:11:01