1. Die Wes-Kaap Onderwysdepartement (WKOD) wil graag die volgende onder die aandag van alle onderwysers, leerders en ouers bring, naamlik dat ons, in samewerking met die Departement van Gesondheid en ander vennote, aan die MIV- berading- en -toetsingsveldtog (MBT-skoleveldtog) vir Nasionale Skole sal deelneem.

2. Die vrywillige MIV-berading en -toetsing sal vir skole aangebied word as deel van 'n groter gesondheidsondersoekpakket wat die volgende insluit:

  • MIV-toetsing
  • Visuele toetsing
  • Gehoortoetsing
  • TB-toetsing
  • SOI-toetsing
  • LMI (liggaamsmassa-indeks), wat gewig en hoogte insluit
3. Die MBT-skoleveldtog sal fokus op sekondêre skole, waar die Departement van Gesondheid die toetsing sal waarneem. Die WKOD sal die MBT-skoleveldtog bekendstel op die volgende wyse:
3.1 Alle sekondêre skole sal inligtingspakkette ontvang met inligting oor hoe hierdie veldtog by skole aangebied sal word saam met 'n lys van alternatiewe toetslokale.
3.2 Alle toetse sal gedoen word na skoolure, oor naweke en gedurende skoolvakansies.
3.3 Skole wat verkies dat die gesondheidstoetse by hulle skole gedoen moet word, moet die aangehegte aansoekvorm voltooi en na die WKOD se MIV/VIGS- lewensvaardighede-eenheid stuur.
3.4 Die WKOD se MIV/VIGS Lewensvaardighede-eenheid sal met die Departement van Gesondheid saamwerk namens die skole.
3.5 Alle sekondêre skole sal leerders, onderwysers en ouergemeenskappe aanmoedig om hulle MIV-status te ken en om proaktiewe stappe te doen om 'n gesonde lewensstyl te huldig, ongeag hulle MIV-status. Tienerswangerskap, dwelm- en alkoholmisbruik moet ook in hierdie veldtog ingesluit word.
3.6 Die WKOD sal voortgaan met hierdie propaganda lank nadat die veldtog geëindig het aangesien MBT 'n positiewe leefstylkeuse is en 'n ontegrale deel uitmaak van voor-komende lewensvaardighedeopvoeding oor die kurrikulum heen.

4. Die Skole-MBT-veldtog bevorder 'n gesonde lewenstyl en verskaf intervensies wat nuwe infeksies onder jongmense verhoed. Ons sien uit na skole se positiewe response op hierdie wonderlike gesondheidsbevorderingsgeleentheid.

5. Alle navrae moet gerig word aan die MIV/VIGS-programbestuurder, Loretta Erasmus-Arendse, by e-posadres loerasmu@pgwc.gov.za of tel.no. 021 467 2127.


GETEKEN: PA VINJEVOLD
HOOF: ONDERWYS
DATUM: 2011:02:15

Skole miv-berading en -toetsingveldtog aansoekvorm  (grootte: 9 KB)