| 1.1 |
IMimiselo neMigangatho emitsha yabasebenzi abanika inkxaso kwizikolo zikarhulumente eziqhelekileyo yavunywa ukususela nge-1 Oktobha 2011 yaye yakhutshelwa zonke izikolo zikarhulumente eziqhelekileyo. |
| 1.2 |
Ukuphunyezwa kwemimiselo nemigangatho yango-2012 kube nesiphumo sokuba kudalwe izithuba eziyi-31 zoomabhalana bolawulo (administration clerk posts) neziyi-159 zabancedisi jikelele njengenxalenye yeSigaba 1 sokuphunyezwa kwemimiselo nemigangatho emitsha. |
| 1.3 |
ISebe leMfundo eNtshona Koloni (WCED) liya kuba lipapasha ezi zithuba zoomabhalana nezabancedisi jikelele kuluhlu lwezithuba ezivulelekileyo ukwenzela ukuba kudalwe uzinzo olungaphezulu kumaziko emfundo. |
| 2.1 |
Izibhengezo ziya kuhlelwa ngokwamaqela ezithili zemfundo kuluhlu lwezithuba. |
| 2.2 |
Kuya kusetyenziswa le mihla imiselweyo ilandelayo:
| |
Umhla wokupapashwa koluhlu lwezithuba: |
7 Disemba 2011 |
| |
Umhla wokuvala ukwamkelwa kwezicelo: |
14 Januwari 2012 |
| |
ISebe iWCED lithumela izicelo ezikolweni: |
9 Februwari 2012 |
| |
Ii-SGB zezikolo zingenisa amagama abatyunjwa kwiWCED: |
27 Februwari 2012 |
| |
Umhla wokuqeshwa: |
1 Apreli 2012 |
|
| 2.3 |
Upapasho lwesaziso sesithuba akuthethi kuthi ukuzaliswa kwaso kuya kugunyaziswa liSebe iWCED. Isithuba sinokupapashwa ngempazamo, yaye ke ngoko iSebe iWCED linelungelo lokusithatha njengesihlatyiweyo isithuba sengqesho esingenako ukuzaliswa. |
| 2.4 |
Ezi zintlu zezithuba ziyafumaneka kumaziko azii-Walk-in Centre kuNdlunkulu weSebe iWCED yaye zinokujongwa kwiziko lewebhu leWCED apha http://wced.wcape.gov.za Makuqatshelwe ukuba izintlu zezithuba aziyi kuthunyelwa kumaziko emfundo zizikopi ezingamaphepha. |
ISAYINWE: NGU-TS MATSELISO
UMLAWULI OYINTLOKO WOLAWULO LWABASEBENZI
UMHLA: 2011:12:07
|
 |